=" /> الساحرة الشريرة: نام هووصحيت انا

الخميس، ١٣ مارس ٢٠٠٨

نام هووصحيت انا

وانا نايمه (ايوةفيها ايه كل الناس بتنام) جالي هاتف غريب صحاني من النوم

بيقولي خير اللهم اجعله خير قالي تعملي ايه لو جوزك اتجوز عليكي

قلتله نام يااهبل هو اصلا ميقدرش

نام الهاتف وانا صحيت

والنحله بدات تززززززززن صحيح ممكن يعملها

اسكتي يا نحله عاوزة انام

مش راضيه

روحت قايمه وقعدت مع نفسي وسئلتها ياتري ايه اللي يخلي الراجل يبص برة؟

هل هي طفاسه ولا تقصير من الست

اكيد في رجاله طفسه اوعو حد يشتم

بس كمان في ستات كتير مقصرة

لو كل ست فكرت ازاي تسعد جوزها وتحافظ عليه اكيد الوضع هيختلف
بدل ما نرجع نقول ياريت
والكلمه دي عمرها ما تعمر بيت
كمان احب اقول للراجل
عا ملني بحنيه اعيشك عيشه هنيه
ملحووووووووووظه هامه
جوزي ميقدرش يتجوز عليه مش خوف مني لالا حب
بس انتو عارفين الستات ساعات بيتخيلوة حاجات
غررررررررررريبه

هناك ١٢ تعليقًا:

الـسـيـدة نـون يقول...

طيب لما هو مايقدرش يتجوز عليكى
ليه لزمة النحلة اللى زنت فى ودانك وخلتك تصحى من النوم
تكونيش مقصرة مع جوزك وعلشان كدة خفتى لا يعملها ويتجوز عليكى

على فاكرة انا كنت عملت بوستات اسمها
من فضلكوا البوست ده حريمى
وبوست بعنوان البوست الرجالى
وبوست اسمه حبوا بعض وبوست اسمه الحب هو
ممكن يفيدك اوى فى حالتك دى

سلام
اختك خيخة

الساحرة يقول...

بت خيخه واي كلام


هي زنت اعملها ايه

بس والله مش مقصرة اصل انا بتخيل ساعات حاجات ملهاش علاقه بالواقع

وبعدين هو انا حالتي خطيرة كدة

Desert cat يقول...

حبيبتى طالما انتى واثقة من جوزك وانه مش هيتجوز يبقى خلاص تذهب النحلة الى الجحيم
...
نيجى بقى للموضوع
هو مش كل الرجالة ولا كل الستات زى ما وضحتى
فى رجالة ببقى عايزة ضرب النار وتلاقيه ماشى يبص على كل انثى عينه تقع عليها ممكن تكون اقل من مراته فى الجمال وفى الاخلاق وفى كل حاجه بس فراغه عين ...
وفى ستات تلاقيها مهتمية بالبيت وبالعيال وهو اياكشى يولع جه ما جاش ميهمش اكل ما اكلش عنه ما اكل .. المهم العيال تطمن عليهم ... وفى واحجدة تانية سايبة الدنيا تضرب تقلب والبيت معفن ومفيش اكل وقاعده تلبس وتدلع فى نفسها ...
تحياتى

بطوط حبوب يقول...

مش عارف ليه الكل بيفكر ان الراجل لما يتجوز لازم يكون سبب
عادى جدا ممكن يتجوز من غير اى سبب

حد يكره انه يزود الى بيحبوه واحد هههههههههههههههههههههه

يا مراكبي يقول...

وأنا أحب أهدي البوست ده للحاجة مراتي وأجري على طول

Mohamed Hesham Safa يقول...

عايزة الحق ولا ابن عمه ...

هي عادة بتكون طفاسة وفراغة عين ...

اسأليني انا دنا مدوباهم اتنين ...

الباحث عن الحقيقة يقول...

بجد
موضوع ظريف
وبعدين اه هى طفاسه
ههههه
والله اعلم

Ahmed Al-Sabbagh يقول...

هههههههههه

والله بوست زى العسل

وحتة نام الهاتف وصحيت انا دى موتتنى من الضحك

هههههههههههههههههههههههههه

تسلمى
احمد

الساحرة يقول...

قطتي

عندك حق في رجاله وستات عاوزين ضرب النار

بطوط

بعدين يتفقوة عليه ويبقي من معسكر الاعداء


يا مراكبي
بما انك هتجري انا سحبت منك كرسي الوزارة

محمد

انا عاوزة الحق انما مبحبش ابن عمه ههههههه


الباحث عن الحقيقه

ما انا عارفه انها طفاسه

فينك من زمان يا استاذنا

احمد الصباغ

نورت المدونه يبقي انت اللي هتدفع النور هههههههه

الربان يقول...

تحياتي

و الله موضوع مهم.

أحيانا الزوجة بتاخد زوجها كانه مضمون ...زي ما بيقول المثل الانجليزي
For guranteed

يعني الراجل تزوج وخلاص ، و لا خلاص من ارتباطة...
وهذا في رايي مفهوم خاطيء تماما...لان
العلاقة الزوجية محتاجة جد و اجتهاد
و تدعيم من الزوجين...

قد يكون الرجل متزوج من ملكة جمال
يحسده عليها الالاف من الرجال...لكنها
لا تشعره برجولته كتصرفات و لا تشعره
بذكورته كأداء....من هنا يأتي شرخ
كبير في العلاقة...و العين تزوغ .

هذا الكلام ينطبق علي الاثنين الرجل
و المرأة...و لابد للرجل ان يشعر أمرأته بانوثتها و يستجيب لطلبها ان طلبته....

بالمناسبة 70 % من حالات الطلاق تتم بسبب عدم التوافق في الفراش...لكن دائما نخفي هذا السبب تحت اغطية مختلفة
مثل مصروف البيت...العصبية ..الاولاد
و خلافه.

تحياتي و تقديري

رهف يقول...

عندك حق دمغنا دى مودينا فى ستين داهيه ولا الأحلام قنبله موقوته وعديكى على الزن
يارب كل الرجاله المتجوزين مايجوزوش على مراتتهم ولا يخنوهم ويموتوا وهم بيحبوهم قولى آمين

mostafa rayan يقول...

بصي ياساحرة ياشريرةانا كان في سؤال دايما محيرني ومش لاقيله اجابة وبماانك ست فلوسمحتي جاوبيني عليه ليه الست تسكت او تعمل مشكلة مش جامدة لماتعرف ان جوزهاماشي مع ستات غيرها واول لما يتجوز تقلب الدنيا وتتطلب الطلاق رغم وجود اولاد احيانا رغم انه في الحالة الأولي بيعمل حاجةغلط ماشي في الحرام اما فى الحالةالثانية فهو بيتجوز علي سنة الله ورسوله يعني بيطبق شرع ربنا
- سؤال تاني ليه الستات في مصربيرفضوافكرة تعدد الزوجات رغم انه شرع ربنا وهوارحم الراحمين ولم يشرع شيء إلا لمصلحتنا نحن البشر وايضا لم يشرع شيئ إلا ونحن نستطيع ان نتقبله
وكمان بنشوف في الخليج موضوع التعدد دة شيء عادي والستات بيعيشوا في بيت واحد مع بعضهم وبيكونو اخوات مش ضراير زي عندنا
في انتظار اجابتك علي اسألتي وارجوا ان تتقبليني صديق لمدونتك ولاتغضبي من اسألتي هذه فهي مجرد اسئلة لرجل يريد
ان يتعرف علي المرأة من المرأة نفسها فموضوعك هو الذي اثار اسألتي هذه