!!!!!!!!!!!!!!!!!!!!

شكلها بيتغير

وزنها بيزيد

وهي مطنشه

مسئلتش نفسها في ايه

الكل بدا يلاحظ ويسئل


وهي تقول مش عارفه

يمكن علشان بطلت اعمل رجيم


اصلها من النوع اللي وزنها بيزيد من الهوا

------


فضلت مكبرة دماغها كتير

فجاءةتقلت خطوتها

بتتعب من اقل مجهود

شكلها يصعب علي اي حد يشوفها


قالت لازم اروح للدكتورودة قرار

صعب ليها لانها مبتحبش الدكاترة

يوم ما قررت تروح كان فات الاوان

تفتكروة ليه؟؟؟


هتعرفوة البوست اللي جاي

اوراقي القديمه

عندي شنطهفيها اوراق وصور مسمياها شنطه الطفوله

اغلبها وانا في ثالثه اعدادي السنه دي كانت

بدايه تغيرنظرتي للحياة احساسي اني كبرت

يمكن احساس مبكر بس اهو اللي حصل

اعترضوا بقي طلعت الشنطه وقعدت

جنب الدولاب ما هي الشنطه في الدولاب

لقيت ورقه كراسه مكتوب فيها اغنيه لعبد الحليم

نور عيني روح قلبي حبيبي جياتي

-----------------------------------

الكلمات دي كانت مهداة من زميل لي في درس الرياضيات

علشان يلقت نظري انه بيحبني طبعا فرحت اوي لانها

اول مرة حد يعمل دة بس عملت نفسي مضايقه

زي كل البنات

كان اسمه احمد وفضل يحب فيه سنتين

ويجبلي كتب اغاني وشرائط كاسيت كلها اغاني حب

وقررت في ذات نفسي اني لما اتجوز لازم اسمي ابني احمد

وطبعا دة محصلش لاني وانا حامل حلمت اني سميته محمد

-------------------------------------------

ورقه تانيه مكتوب عليها اسم ندي ودي كانت مدرسه الانجليزي

كنت بحبها جدا وبكتبلها جوابات متهيقلي محبتش حد زيها

وعلشان دة قررت اسمي بنتي علي اسمها وقد كان

----------------------------------------------------

صورة لي مع صديقه عمري او هكذا كنت اظن

------------------------------------------------------

اوراق صفراء تاثرت بفعل الزمن كما تاثرنا نحن

كلمات من اغنيات

---------------------------------------

مرايه مكسورة لااعرف سبب وجودها بالتحديد

قصاصات اوراق كثيرة ازلت التراب عنها ووضعتها

في قلبي اقصد الدولاب واغلقته

وحشتوني

وحشتوني جدا


ومشغوله جدا


وبكتب كلمتين بسرعه جداجدااااااااا



اولا خلصنا اول امتحانات للعفريت الصغير

الاعداديه وعدت علي خير

ومستنين النتيجه فاضل الراس الكبيرة هتبدا بكرة


كل اللي يدخل يدعي واللي ميدعيش يارب يتوة وميعرفش يخرج



خبرين علي الماشي:



ولد في لجنه امتحان الشهادة الاعداديه


صمم ينزل الحمام والمراقبه رافضت

فضل يتحايل عليها ويقولها مش قادر

قلتله لا ولو مش قادر اتصرف انما مش هتنزل


يعمل ايه؟

فكرررررررروا



واللي هيحلها صح ملوش جايزة ههههههههه






الخبر التاني:

الرئيس دفع الجمارك علي صندوق بلح جايله هديه

من السعوديه اة والله

دفع 60 او 65 جنيه لاو بايصال سداد



هل يعني هذا أنها المرة الأولى التي يقوم بها بدفع الرسوم الضريبية المستحقة عليه؟
سؤال يطرح ويجمع نفسه

انا وهي وعذاب الثانويه

باب شقتنا كهربناه طبعا عاوزين تعرفوة ليه

بعينكووووووووو.............. خلاص هقولكوة عارفه الفضول بيعمل ايه

علشان محدش يدخل ولا يخرج من البيت

عندنا حظر تجول وقوات الامن بالرشاشات والمدافع

علي باب غرفه بنتي

عندناااااااااااااااا ثانويه عامه في البيت هتجننننننننننننن

بجد حرام علي جهابزة التعليم(ايه الكلام الكبير دة) ههههههههه

توتر وقلق البنت هتطلع من السنه دي عاوزة تتعالج نفسيا

والسبب اسلوب التعليم اللي بيجهض المواهب وبيخليهم

مجرد ميموري لتخزين معلومات مش هتفيدهم اصلا

يبقي ليه بيدرسوها!

قالوة الثانويه علي مرحلتين قولنا ماشي

واتحملنا غول الدروس الخصوصيه علشان المدارس

بقت مكان لنقل الاغاني من بعض بالبلوتوث او اللعب مع المدرسين

والتهريج او النوم ايوة النوم

المصيبه بقي انه كل دة هيتلغي بقرار جمهوري تخيلوووووووووة

الرئيس هو اللي بيحل مشاكل التعليم طيب حضرات الاساتذة وواضعي نظام التعليم

وظفيتهم ايه يبقي بلاها سوسو

نوفر مرتبتهم لحد تاني

المهم:انا متوترة جدا وخايفه قلقي دة يوصل لبنتي

صحيح بقولها اعملي اللي عليكي وربنا مبيضيعش تعب حد

بس احنا بنسمع مهازل في التصحيح وناس كتير حقها بيضيع

بدا العد التنازلي والامتحانات خلاص

يارب مضيعش تعب حد ادعولهااااااااااااااااااااااااااا

علاوة اخر حلاوة

بطل العداله الاجتماعيه

علي 30%امال لو100%

كان هيبقي ايه

قالو الممتازة 180

والاولي156

هي الناس دي محتاجه زيادة

ولا قصدهم يفرسونا ولا ايه

لا والغلابه 38جنيه

طيب دول يعملوة ايه

والمعاشات خدوة بمبه ليه

سؤال محيرني ومش عارفاله اجابه

يعني ايه عداله اجتماعيه؟

دورت في قاموس جمهوريه مصر العربيه ملقتش ليها معني

ياريت اللي يعرف يقولي وليه جنيه من العلاوة هديه

لما ابقي اخدها بعد خمس سنين ههههههههه

شويه حاجات فوق بعضيها

موقف حصل خلاني لاول مرة اتعاطف مع السارق وليس المسروق

اختي توقظ ابنتها للذهاب الي المدرسه والبنت ترفض الذهاب

وتبكي بشدة استفسرنا عن السبب اتضح ان صديقتها التي تجلس

بجوارها تريد تعليمها السرقه

ملحوظه:البنت في اولي ابتدائي في احدي مدارس اللغات الشهيرة

طبعا ذهبنا لمدير المدرسه وحكينا الموقف راح وجاب البنت وكلمها

بس مش قدمنا تفتكروة قللتله ايه؟بيقولها كدة غلط انتي بتاخدي حاجه مش من

حقك قلتله انا بابامتوفي وامي بتشتغل وانا قاعدة مع عمتو ومحدش بيجبلي حاجه

في نفس الوقت اصحابي معاهم حاجات زيادة مش بيستعملوها يبقي مخدهاش ليه

يعني مش سرقه ياتري الغلط هنا علي مين؟؟؟؟؟؟؟؟؟؟؟؟؟

سمعت ان فيه ناس عملوة اغنيه لاضراب 4 مايو مستوحاة من جيفارا مات لاحمد فؤاد نجم وغناء الشيخ امام

وسموهامبارك مات طيب الاغنيه الهدف منهاايه حد يفهمني

طبعا كلنا مضايقين من اللي بيحصل لينا بس اغنيه هزليه ليس لها اي معني هتعمل ايه

اول حاجه ازاي اتمني الموت لحد اكيد ربنا مقلش كدة

ثانيا: موته هيفيدنابايه الدنيا هتبقي ربيع والمايل يتعدل

اذا كان كدة منسمهوش اضراب نسميه جنازة ونشبع فيها لطم احتمال نفوق

احنا مش بنعمل حاجه غير التحسر علي حالنا

ليه مسئلناش نفسنااحنا ايه وصلنا لكدة؟

اضراب 6 ابريل غير ايه؟ اللي يقولي نجح يقولي حقق ايه

ان الله لا يغير ما بقوم حتي يفيروة ما بانفسهم

ياريت نهتم بعملنا ونحسن معاملتنا لبعض علشان بقينا زي اللي عايشين في غابه

في اغنيه من مسرحيه الزعيم بتعجبني

الشعب اللي مصيرة في ايدة هو الفارس هو الحارس والاحلام مش عاوزة فوارس

الاحلام بالناس تتحقق

ايه اللي بيحصل في المدونات اليومين دول تدخل عند حد تلاقي التعليقات غريبه

الشتيمه منتشرة بطريقه غريبه ومن مين نيران صديقه او مجهولين

حاجه تدعو للارف انا اعرف اللي مش عاجبه كلام حد ميروحش عندة اصلا

تحاورت مع حد وكان مش اد حوارك يبقي قاطعه

سؤال الناس اللي بتشتم دي بتستفاد ايه؟

زمان واحنا عيال كنا بنفتكر ان الشتيمه بتلف وترجع لصاحبها ههههههههههه

ما الارض كرويه

كفايه عليكو الشويه دول اروح انام تصبحووووووعلي خير

الفساد السياسي

دي رساله جتلي علي الايميل عجبتني

الفساد السياسي

سأل طفل والده : ما معنى الفساد السياسي

فأجابه : لن أخبرك يا بني لانه صعب عليك في هذا السن ،لكن دعني أقرب لك الموضوع

انا اصرف على البيت لذلك فلنطلق علي اسم الرأسمالية ...

و امك تنظم شؤون البيت لذلك سنطلق عليها اسم الحكومة ...

و انت تحت تصرفها لذلك فسنطلق عليك اسم الشعب ...

و اخوك الصغير هو املنا فسنطلق عليه اسم المستقبل ...

اما الخادمة التي عندنا فهي تعيش من ورائنا فسنطلق عليها اسم القوى الكادحة …

اذهب يا بني وفكر عساك تصل الى نتيجة .....
و في الليل لم يستطع الطفل ان ينام .. فنهض من نومه قلقآ

و سمع صوت أخيه الصغير يبكي فذهب اليه فوجده بل حفاضته ..

ذهب ليخبر امه فوجدها غارقة في نوم عميق ولم تستيقظ ،

و تعجب أن والده ليس نائما بجوارها ..

فذهب باحثآ عن أبيه

فنظر من ثقب الباب الى غرفة الخادمة فوجد أبوه معها و .....

و في اليوم التالي ،

قال الولد لابيه : لقد عرفت يا أبي معنى الفساد السياسي ..
فقال الوالد: وماذا عرفت ....؟ !

فقال الولد : عندما تلهو الرأسمالية بالقوى الكادحة وتكون الحكومة نائمة في سبات عميق

فيصبح الشعب قلقا تائها مهملاً تماماً و يصبح المستقبل غارقا في القذارة

القضيه

القضية

الحكاية والرواية

و القضية والجناية

و الفانلة ف الجونلة

و المخدة ف الملاية

و الارادة بالشطارة

و الخسارة

ع التكايا

و الأمين مهلباتي

و الأمانة مهلباية

و الصحافة مهلبية

و الاذاعة يا ضناية

ألف ليلة وليلة تندب

ع الهوى و تقول هوايا

ف الفساد

يهدي الهدايا

و القناعة للجواعى

و البضاعة للهبايا

و البوليس ف اليغمة

طايح بالطبنجة و العصاية

من غير كمامة

يهبش التوب و العباية

و القضية

يا قضايا بالمكايد و الوشايه

دبروها و فصلوها بالمقاس

لبست قضايا

و العدالة بالندالة

عطلوها و هي جاية

و الحكاية و الرواية

و القضية و الجناية

الحكاية عايزة قعدة

و الكلام ملوش نهاية

الحكاية ان البلد

مش ملك ناسها

و الخلايق ف البلد مش مالكة راسها

و البلد أصلا بلدنا مش عليلة

البلد علتها جاية

من خرستها

شوف يا صاحبي

ما انت شايف كل حاجة

بس خايف

الحقيقة بنت كلمة

و الكلام لازم يدور

سندباد مواله عالي ف المداين .. و الكفور

الكلام الكلام يكسر القيد و اللجام

الكلام الكلام يدفع الناس للأمام

شوف يا صاحبي هي كلمة

دايرة ف وسط الزحام

البلد مش عايزة قعدة

و كل منهو بكلمتين

البلد عايزة المجاهدة

باللسان و بالايدين

كلنا و من غير معاهدة

للبلد علينا دين

يكبسونا يحبسونا

يضربونا كرباجين

البلد سامعة و شاهدة

و كل خرم قصاده عين

الشاعر

احمد فؤاد نجم

هلوسه مع النفس

انا: هتشتركي في الاضراب

نفسي:اضراب ايه

انا:انتي مسمعتيش عن اضراب 6 ابريل

نفسي:وضحي شويه

انا:في اضراب عام يوم 6 ابريل للبلد كلها

نفسي: انتي اتجننتي يا بت مش ممكن الحكومه تعمل اضراب

انا:ههههههههه دة تحالف الشعب كله اعتراض علي الاوضاع المهببه اللي احنا فيها هي الحكومه هتعترض علي نفسها

نفسي:الشعب هو البلد والبلد هي الحكومه والحكومه هي الحزب الحاكم اللي حاكم قبضنه علي البلد كلها ودة هو الواقع

اللي يتعمل يتعمل الامور مش هتتغير الكل مغلوب علي امرة وبيقول وانا مالي الخوف ملا قلوبنا تعرفي ليه

علشان الناس جعانه والجميع اصبح يشغله لقمه العيش وبس

وبعدين احنا مش محتاجين اضراب ساعه او يوم احنا محتاجين ثورة اصلاح شامله

انا:اهي رساله تفول احنا هنا ارحمونا تعبنا كفايه

والعيار اللي ميصبش يدوش

نفسي:الشعب نايم ممكن تقوليلي كان فين في انتخابات الرياسه

وقالوة منعرفش غيرةواللي حاول واتكلم اترمي ورا الشمس

احنا ايدينا مشلوله

انا: يمكن 6 ابريل دعوة اننا نفوق ونصحي

نفسي: كان غيرك اشطر الحمكومه لن تسمح لكي او لغيرك واللي يحاول في اماكن انتي عارفاها الداخل مفقود والخارج مولود

انا:بيقولوة يا واكل قوتي يا ناوي علي موتي

نفسي:هههههههه دة كلام بنقوله لبعض ومع بعض انما الحكومه عندها شعار

اتكلم واغضب ما شئت ولكني دائما افعل ما اشاء

انا:قصدك الكلاب تعوي والقافله تسير

نفسي: بالظبط

انا: طيب عاجبك اولادنا اللي بيتبهدلوة برة وجوة

عاجبك اضرب في بلدي برصاص امريكي امال لو برة هيعملوة فينا ايه

ارواحنا رخيصه ليه

جنودنا علي الحدود بيموتوة ليه

وكل اللي بنعمله بنشجب وندين

ارواحنا هانت علينا فبقت ملهاش لازمه

نفسي: بس الاضراب بالشكل دة هيعمل ايه80%من الناس تحت خط الفقر

يعني ميهمهاش غير الشاي والسكر والتموين ورغيف العيش

الناس دي عايزة جد يعرفهم ويفهمهم ياتري احناعملنا دة

انا:الاضراب بدايه علشان يعرفوة

نفسي: ما هي دي المصيبه لما نبقي كام مليون او الشعب كله زي ايام السادات

محدش هيقدر يعمل حاجه بالعكس هيخافوة انما لما يبقوة الف هيبقي سهل السيطرة

عليهم ورميهم في السجو ن يعني ضرر اكتر منه نفع

انا: عندك حق الاضراب لازم يكون منظم معلن عنه مش النت وبس

نفسي:انا عاوزة اقولك كلمه اخيرة

انا واحد من الشعب وبحب بلدي جداااااااا وبخاف عليها

مش عاوز اكون مليونير ولا اسكن في فيلا ولا اصيف برة

انا عاوز اعيش كويس

وولادي يتربوة كويس

انزلي الشارع واسئلي اي حد الكل هيقولك

عاوزززززززززززززين نعيش

كانت معكم هاله ونفسها من امام مديريه الامن

اجرررررررررري

ربنا يستر

زمان قالوة

التعليم في الصغر كالنقش علي الحجر

صدقت الكلام وقعدت طول عمري

انقش وارسم لما بقي الحجر شكله جميل

واي حد يتمناة

وبعد دة كله في كتير عاوزين يكسروة

بحاول احميه بس حاسه انه قرب يتكسر

ربنا يستر

دعوة للتفاؤل

الدعوة عامه

التفاؤل شيء جميل
اضحك تضحكلك الدنيااااااااااااااااا

بجد .....عيب

لما تلاقي ست شيك ومحترمه وعماله تطرقع في اللبانه تقولشي بتعزف سيمفونيه لبيتهوفن

يبقي بجد عيب

لما افضل في شارع القصرالعيني ساعه ونص علشان حدمن اللي سرقين قوتنا بيعدي

يبقي بجد عيب

لم ضباط الشرطه اللي المفروض يحموة البنات من المعاكسات هما اللي يعكسوهم

يبقي بجد عيب

لما ناس تموت علشان الرغيف الحاف وغيرهابيستورد كبد الوزعلشان يصنع منه دواء لل....هواحنا

معندناش وز ولا دة لازم يبقي وز قليل الادب

يبقي بجد عيب

لما يستهبلوناويخلونا ناكل لحم القطط والكلاب واحنا فاكرين اننا بناكل لحمه ميه ميه

يبقي بجد عيب

لما الباطل يبقي حق وليه ناس بدافع عنه

يبقي بجد عيب

ولما ولما ولما.................................يارب كلنا نبقي لمه ونقول بجد عيب

وفي النهايه اوجه عنايه سيادتكم الي التالي:ا

العيب لما يطلع من اهل العيب ميبقاش .......................اكمل مكان النقط

نام هووصحيت انا

وانا نايمه (ايوةفيها ايه كل الناس بتنام) جالي هاتف غريب صحاني من النوم

بيقولي خير اللهم اجعله خير قالي تعملي ايه لو جوزك اتجوز عليكي

قلتله نام يااهبل هو اصلا ميقدرش

نام الهاتف وانا صحيت

والنحله بدات تززززززززن صحيح ممكن يعملها

اسكتي يا نحله عاوزة انام

مش راضيه

روحت قايمه وقعدت مع نفسي وسئلتها ياتري ايه اللي يخلي الراجل يبص برة؟

هل هي طفاسه ولا تقصير من الست

اكيد في رجاله طفسه اوعو حد يشتم

بس كمان في ستات كتير مقصرة

لو كل ست فكرت ازاي تسعد جوزها وتحافظ عليه اكيد الوضع هيختلف

بدل ما نرجع نقول ياريت

والكلمه دي عمرها ما تعمر بيت

كمان احب اقول للراجل

عا ملني بحنيه اعيشك عيشه هنيه

ملحووووووووووظه هامه

جوزي ميقدرش يتجوز عليه مش خوف مني لالا حب

بس انتو عارفين الستات ساعات بيتخيلوة حاجات

غررررررررررريبه

الاختلاف في الراي قد يفسد للود قضيه

ان اختلف معك هذا وارد

ان نتناقش حول موضوع معين هذاايضا وارد ومقبول

لكن الغير مقبول ان اختلف معك فاصبح عدوا او عميلا

تناقش معي بعقلانيه اقنعني بالدلائل والبراهين

لا تسب وتلعن وتجرح

لو اصبح الحوار هكذا فليذهب الجميع الي ............................. الجحيم

سؤال محيرني

حديعرف مين الولد دة
اكيد كلنا سمعناعنه
محمود وائل 9سنوات
اذكي طفل في العالم




يعني عبقري نسبه ذكائه 151 والعبقريه والنبوغ تبدا من 130
الولد ماشاء الله ربنا يحفظه لاهله

السؤال اللي محيرني ياتري الولد مصر هتتبناة وتحافظ عليه

ولا الدول هتتسابق عليه ونخسرة زي اللي قبله

جمله قالها الدكتور زويل وعجبتني

ياريت الدوله يجي عليها يوم وتهتم بالعلماء زي لعيبه الكورة

هذاوما زال الرقص مستمرا


ارقص وادلع يا حضري

تاجي الاولاني

اول تاج يجيلي من ابن حجر العسقلاني
تاج بصراحه صعب جدا
انا واخدة اجازة فقلت فرصه
اعمل مخابرات واشوف اصحابنا المدونين ومين يستاهل كرسي
الوزارة في دوله عسقلانيا العظمي
احترت اختار علي اساس المهنه الاصليه
اللي مش عارفه هي حقيقيه ولا لاء
في بعضهم اختيارة بناء علي طريقه كتاباته والباقي اخترتهم حسب المهنه
منك لله يلي في بالي
ايها الساده اليكم التشكيل الوزاري الجديد

رئيس الوزراء

بكل تواضع انا

وزير الثقافه

محمد عبد الغفار(في العمق مكان للحريه

وزير الاعلام

احمد شقير(حكايات اخر الليل

وزير التعليم

اكتب بالرصاص

وزير البحث العلمي

مبرمج حر

وزير الجامع الكبير

عصفور المدينه

وزير الصحه

د\لماضه

وزير العدل

الباحث عن الحقيقه

يمكن تلاقيها

وزير الداخليه

احمد سمير( الاغلبيه الصامته

السكوت من ذهب

وزير الخارجيه

خالتي فرنسا

وزير الهجوم

انجي(اي حاجه بقي

تربيه رياضيه تنفع في الهجوم

وزير المواصلات

ازميرالدا(اهو كلام والسلام

وزير الماليه

يامراكبي

مسافر ومش هيطمع في فلوس الدوله

اللهم لا حسد

وزير الاتصالات

بنت خيخه واي كلام

وزير الزراعه

ابن حجر العسقلاني

تستاهل ههههههه

عارفه انك عينك علي الرياسه انما دة بعدك

السقوط الكبير

ن

اذا سقط من عيني شيء حتي لو كان غاليا......................لا التقطه ابدااااااااااااااااااااااااااااااااااااااااااااااااا
ا

حبيبي دائما

كل عيد حب والحب في قلوبنا

بس احب اقول الحب مش يوم الحب كل يوم

وكمان الحب مش هديه نجيبها يوم في السنه

الحب مشاعر واحساس بالامان

قالوا عن الحب:

الحب هم اللي يخلي القلب تملي يدق دقه بكل رقه

احمدرجب

ساعاتنا في الحب لها اجنحه ولها في الفراق مخالب

شكسبير

خلافات العشاق تجديد للحب

تيرنس

كلما ازداد حبنا تضاعف خوفنا من الاساءة

جورج ساند

الحب هو العاطفه الوحيدة التي لا يهمها الحاضر ولا المستقبل

انبس منصور

اجمل اغاني الحب

الحب كدة

ام كلثوم

يا خلي القلب

عبد الحليم حافظ

حنين

وردة

انا بعشق البحر

نجاة

شايف البحر

فيروز

يارب كلنا نفكر في اللي بنحبهم دايما وليكن اليوم هو البدايةوبلاش الحصبه اللي غرقت البلد فجاءة كلمه بحبك بالقول والفعل اجمل مائه مرة من اغلي هدايا الدنيا

يا حبيبتي يا مصر

علشان هما رجاله ووقفوة وقفه رجاله

الف مبروك لمصر

يانهار ابيض يا نهار ابيض

تعريفات سياسيه جدا

الدستور:هو الشئ الوحيد اللى كلما يتعدل..البلد يتعوج اكتر
المواطنه: أن توطن نفسك على انه مفيش فايدة
خطاب الرئيس: كلام يكتبه شخص ليقرأه شخص آخر على أشخاص يعرفون أن شخصا آخر هو الذى كتبه لكنهم يصفقون للشخص الذى يقرءاه
مجلس الشعب: هو الهيئة التى تساعد الحاكم لكى يجلس على الشعب
سيناء: شبه جزيرة حررها المصريون بدمائهم ليمنعوا الإسرائيليين من التجول فيها بالملابس العسكرية ولتسمح لهم اتفاقية كامب ديفيد بالتجول فيها بالمايوهات

التعدديه: حرص نظام الحكمعلى ضمان تعدد الفترات الرئاسية للحاكم بحيث يستمر فى الحكم حتى يعدد الناس عليه
قانون الطوارئ: القانون الذي يسمح للحاكم باعتقال من يشاء كلما طرأ ذلك على باله
العصيان المدنى: خروج المدنيين لإعلان رفضهم لسياسات الحكومة قبل أن يضربهم الأمن المركزى بالعصيان
الصراع الطبقى :صراع الشعب من اجل إزالة الحاكم الذى طبق على نفسه لعشرات السنين
سياسة الاعتدال: قيام الحاكم بالاعتدال على العرش فى نهاية فترته الرئاسية لكى يبدأ فترته الرئاسية الجديدة
الترشيح :الفلتر الذى لابد من استخدامه للتمكن من عصر خيرات البلاد حتى أخر قطرة
إقرار الذمة المالية: يقدم المسئول الحكومى عند بداية شغل منصبة إقرارا يؤكد فيه أن ذمته انتقلت إلى رحمة الله
الكسب غير المشروع: قيام الحاكم بكسب رزقه من نهب أموال المشروعات الحكومية
التضخم :الحالة التى تصيب الشعب بعد ربع قرن من ضربة على قفاه
العدل: عدل المواطن حتى يأخذ على قفاه بشكل مريح لمن يضربه
السواد الأعظم: هو السواد الذى يشوفه الشعب الذى يسكت معظم أبنائه على استبداد وفساد حكامه
تطوير التعليم: العمل على جعل كل طالب مصري طورالله في برسيمه
سياسة التقشف: تجويع الشعب إلى أن يتقشف جلدة
إعادة الهيكلة: توفير كل الضمانات الأمنية والسياسية لعدم ترك الحاكم لعرش السلطة إلا وهو هيكل عظمى
السيدة الفاضلة: السيدة التى تفضل هى وزوجها فى الحكم لأكثر من ربع قرن
حزب الأغلبية: الحزب الذى يذيقك الغلب والذل وتعيش تحت حكمة اغلب فترات حياتك
الانجازات: المشروعات التى تفتتحها الحكومة ويضخمها إعلامها لحد الناس ما تجيب جاز
العالم التالت: العالم الذى يتم فيه توريث الحكم دون أن يجرؤ الشعب على قول تلت التلاتة كام
النظرية النسبية: النظرية التى ابتكرها اينشتاين وطبقها شخص آخر بتشكيل الوزارة من مجموعة من النسايب

التعريفات دي جتلي علي الايميل ومعرفش المصدرعلشان متقولوش حراميه اوعووووووو

من غير عنوان----------

يا كلمتي لفي ولفي الدنيا طولها وعرضهاوفتحي عيون البشر للي حصل على أرضهاعلى أرضها طبع المسيح قدم على أرضها نزف المسيح ألم في القدس في طريق الالام وفي الخليل رنت تراتيل الكنايس وفي الخلا صبح الوجود إنجيل تفضل تضيع فيك الحقوق لامتى لامتىيا طريق الالام وينطفي النور في الضمير وتنطفي نجوم السلام يا طريق الالام ولامتى يمشي فيك جريح ولامتى فيك يفضل يصيح مسيح وراه مسيح وراه مسيح على أرضهاتاج الشوق فوق جبينه وفوق كتفه الصليب دلوقت يا قدس ابنك زي المسيح غريب غريب تاج الشوق فوق جبينه وفوق كتفه الصليب خانوه خانوه نفس اليهودابنك يا قدس زي المسيح لازم يعودعلى أرضها

عيشه والسلام

h
اصعب شيء انك تحس بالوحدة وكل الناس حواليك بتضحك وانت جواك حزن غريب محدش حاسس بيك حتي اقرب الناس ليك الكل عاوز ياخد منك ومحدش يديك مفتقد لناس اختفت من حياتك ومش قادر تعمل حاجه لانهم هما اللي اختاروة ليه نتعامل مع الناس بحب ونلاقي العكس منهم مش لاقيه حاجه اعبر بيها عن احساسي غير انها عيشه والسلام

مين فينا هيغلب مين؟

هما مين و إ حنا مين .. ؟
هما الأمرا و السلاطين ..
هما المال و الحكم معاهم ..
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟!!
..............
إحنا مين و هما مين ..
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض ..
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟!!
................
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ..؟؟!!!
....................إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ..؟؟!!!
................كلمات لاحمد فؤاد نجم وغناء الشيخ امام

كل عام والامه الاسلاميه بخير وسنه هجريه سعيدة

حين ميسرة ........................حته سكرة

شفت خير اللهم اجعله خير لقاء للاعلاميه مني الشاذلي في برنامج العاشرة مساءا علي قناة دريم مع اسرة فيلم حين ميسرة مبدئيا انا لم اشاهد الفيلم ولكن ما استفزني هو اسلوب الحوار ومدي قابليه النقد الضيوف هم المخرج:خالد يوسف والممثله: سميه الخشاب والكاتبه" عليه الجعار والكاتب: احمد المسلماوي هذا هو اسمه علي ما اظن " الزهايمر بقي" هذا الكاتب نقد الفيلم باسلوب اعجبني مع اني اختلف معه في بعض النقاظ ما علينا المهم اللي اتفرج علي الحوار هيلاقي المناضل خالد يوسف اللي فاكر انه بالفيلم دة عمل ثورة وعدل المايل في البلد وماسك ورقه وقلم وعمال يكتب النبي حد يقولي بيكتب ايه ومتعفرت ومضايق وعمال يقول انه مع الطبقه اللي تحت خط الفقر يكونش البعيد هو الخط حد يمسحه خلي الناس تطلع والست سميه عماله تعوج في شفايفهامش عاجبها كلام حد وبدات مشاركه الجمهور اللي يتصل يتغزل في جمال الفيلم يسكوتوة قال يعني تواضع ولما ست غلطت وقالت ازاي تطلعي في الفيلم اللي باين من جسمك اكتر من المستخبي قامت القيامه وقلتلها انها كنت لابسه بدله رقص مقفوله امال المفتوحه تبقي ازاي في نفس الوقت صورة علي الشاشه بالبدله المقفوله فكرتني بالبوس الهاتف في جاءنا البيان التالي دة مثال من متصلين كتير والنبي يتنيلوة هو الفيلم اللي هيصلح البلد محموق علي ايه يا سي خالد بلا خيبه دة انت كنت ناقص تضرب الكاتب والناس اللي بتتصل احنا كدة بنسيب القضايا المهمه والمصايب اللي بتحصلنا كل يوم وقاعدين نتخانق علي فيلم لا هيجيب ولا هيودي والله نستاهل اللي بيجرالنا ما احنا بنجري ورا اتفه الامورهي مصر اللي هيصلحها الافلام صح النومممممممممم

حبيتك وبحبك وهحبك علي طول

برغم كل شيء ما زالت احبككككككككككككككككككككككككككككككككككككككككككككك