=" /> الساحرة الشريرة: بجد .....عيب

السبت، ٢٢ مارس ٢٠٠٨

بجد .....عيب



لما تلاقي ست شيك ومحترمه وعماله تطرقع في اللبانه تقولشي بتعزف سيمفونيه لبيتهوفن

يبقي بجد عيب

لما افضل في شارع القصرالعيني ساعه ونص علشان حدمن اللي سرقين قوتنا بيعدي

يبقي بجد عيب

لم ضباط الشرطه اللي المفروض يحموة البنات من المعاكسات هما اللي يعكسوهم

يبقي بجد عيب

لما ناس تموت علشان الرغيف الحاف وغيرهابيستورد كبد الوزعلشان يصنع منه دواء لل....هواحنا

معندناش وز ولا دة لازم يبقي وز قليل الادب

يبقي بجد عيب

لما يستهبلوناويخلونا ناكل لحم القطط والكلاب واحنا فاكرين اننا بناكل لحمه ميه ميه

يبقي بجد عيب

لما الباطل يبقي حق وليه ناس بدافع عنه

يبقي بجد عيب

ولما ولما ولما.................................يارب كلنا نبقي لمه ونقول بجد عيب

وفي النهايه اوجه عنايه سيادتكم الي التالي:ا

العيب لما يطلع من اهل العيب ميبقاش .......................اكمل مكان النقط

هناك ١٨ تعليقًا:

الربان يقول...

تحياتي

أخشي ان اقول ان العيب اصبح هو القاعدة...و ما غيره هو الاستشناء..

حكاية كبد الوز المعروف باسم " الفواجرا "...سيتم استيراد كميات منه
من فرنسا بما يوازي مليار جنيه...

ازمة الخبز...هي ازمة ادارة بالمقام الاول...

د.حسن خضر وزير التموين سابقا كان
اقترح شراء او تأجير ارض في كندا لزراعة
القمح حيث تجود زراعته هناك...فقامت
الدنيا عليه.... الان نفكر في السودان
و في رأيي هو تفكير خاطيء لان الاحوال
السياسية غير مستقرة هناك...و مازلنا
نتذكر مشروع قناة جوجلي المتوقف من زمن بسبب الحرب الاهلية...

بعد كل العيوب التي ذكرتيها حضرتك تأكدت من انك بالفعل ساحرة شريرة هههههه.

نسال الله ان يصلح احوالنا جميعا.

تحياتي و تقديري.

الساحرة يقول...

ايه الصدفه الغريبه دي انا كنت بعلق عند حضرتك في نفس وقت تعليقك

زمان كان في اغنيه بتقول حتي لوني قمحي لون خيرك يا مصر

طبعا لواتقالت دلوقتي نبقي كدابين

تحياتي

Empress appy يقول...

ههههههههههههه عيب

لم ضباط الشرطه اللي المفروض يحموة البنات من المعاكسات هما اللي يعكسوهم

يبقي بجد عيب دا انا عاوزة اقولك ان 90% من اللى بيعكسونى هما ظباط شرطه والله هتضحكى
بس احنا فى بلد العيب فيها مبقاش عيب بس والله للحق برضه لما بتروحى لحد منهم بيخدمك عادى يعنى من غير معاكسه ولا حاجه ههههههههههه

الساحرة يقول...

appy

مش في كل الاوقات ممكن يعكسك او يتئمر عليكي او يبقي انسان بجد اكيد كلهم مش زي بعض

رهف يقول...

تحياتى لكى عزيزتى
والله عندك حق بس هى دى النتيجه
الطبيعيه لمجتمع انهارت فيه الأخلاقيات بسبب الأتجاه نحو التشيؤ واللهث وراء الماده
مدونه جميله
مع خالص تمنياتى بالتوفيق

Ehab يقول...

لا بصراحه
كده عيب عيب عيب

وزي ما حضرتك قلتي ميبقاش عيب مادام طالع من اهل العيب

سلااااااااااااااام

Desert cat يقول...

العيب لما يطلع من اهل العيب ميبقاش عيب
تحياتى ليكى يا اجمل ساحرة

ابن حـجـر الـعـسـقـلانـى يقول...

و الله كلماتك قليلات جدا ... بس مليانين معانى .. بس بصراحة الأوضاع بقت مقلوبة بشكل زيادة قوى قوى

طب ما يمكن المشكلة فينا احنا .. إذا كان ناس كتير بقت من أهل العيب .. طب مش ممكن دة يكون معناه إننا فاهمين "العيب" غلط ؟؟

ربنا يهدينا و يثبتنا على الحق فى الأيام دى

الساحرة يقول...

رهف

اللي قبلينا قالوا انما الامم الاخلاق ما بقيت فان هم ذهبت اخلاقهم ذهبوا
اهلا بيكي


الشنكوتي الكبير

تغيب تغيب وراجع تقول عيب هههههههه


قطه الصحراء

فعلا واسما وحرفا ميبقاش عيب

ههههههههههه


ابن حجر


مليت المعاني وقلبت الاوضاع الدنيا اتغرقت هناههههه

كلامك طبعا صح علي راي الشاعرة اللي انا مبحبهاش

امال ماهر العيب علينا وفينا

nohamy يقول...

حفلة توقيع كتابي
مجموعة بنى أدم مع وقف التنفيذ

يوم الجمعة أن شاء الله الساعة 6 فى عمر ستور طلعت حرب وسط البلد

رئـــــيسـة حزب الأحلام يقول...

السلام عليكم
احنا فى بلد العيب

الطائر الحزين يقول...

فشت الجهالة واستفاض المنكر

فالحق يهمس والباطل يجهر


العقاد كان بيقول كدة فى زمانة

امال لو جه شاف اللى احنا فيه هيقول ايه

تحياتى

غني يابهيه يقول...

ولما واحد مصري يموت جوه بلده السويس يعنى فى مصر من رصاص أمريكى يبقى ايه .......... عيب ولا ايه ...؟
المصيبه ان احنا عبرنا مرحلة العيب وبقينا فى مراحل تانيه كتييير زى
الوساخه
والخيانه
والنصب
والسرقه
وغيره
اسف للأطاله

هيه هاتستنى

الساحرة يقول...

tohamy
الف مبروك علي الكتاب



رئيسه حزب الاحلام

يبقي انتي اكيد في مصر

اهلا بيكي


الطائر الحزين

يا اهلا باستاذي العزيز

لو العقاد كان موجود دلوقتي مكنش اتكلم اصلا وايه يفيد الكلام


غني يا بهيه


واحد يموت مليون موجودين غيرة

ربنا يرحمك يا سادات


اهلا بيك

حمامة يقول...

مفيش اختيارات طيب :D?

والله يابنتى عندك حق ف كل كلمة
نقول ايه حسبى الله

maYHam يقول...

والله إحنا قدامنا إيه غير الحسبنة على كل من كان سبب في تعذيبنا ومنعنا من أبسط حقوقنا الآدمية

الساحرة يقول...

حمامه

هواحنابقي عندنا اي اختيارات



انا محتاج


عندك حق حسبي الله ونعمه الوكيل

mostafa rayan يقول...

ولما احنانسكت علي الغلط ومانقولش لاء
يبقي عيب كمان .. صح ولا ايه