=" /> الساحرة الشريرة: شويه حاجات فوق بعضيها

الأحد، ٢٠ أبريل ٢٠٠٨

شويه حاجات فوق بعضيها


موقف حصل خلاني لاول مرة اتعاطف مع السارق وليس المسروق


اختي توقظ ابنتها للذهاب الي المدرسه والبنت ترفض الذهاب


وتبكي بشدة استفسرنا عن السبب اتضح ان صديقتها التي تجلس


بجوارها تريد تعليمها السرقه


ملحوظه:البنت في اولي ابتدائي في احدي مدارس اللغات الشهيرة



طبعا ذهبنا لمدير المدرسه وحكينا الموقف راح وجاب البنت وكلمها



بس مش قدمنا تفتكروة قللتله ايه؟بيقولها كدة غلط انتي بتاخدي حاجه مش من



حقك قلتله انا بابامتوفي وامي بتشتغل وانا قاعدة مع عمتو ومحدش بيجبلي حاجه



في نفس الوقت اصحابي معاهم حاجات زيادة مش بيستعملوها يبقي مخدهاش ليه



يعني مش سرقه ياتري الغلط هنا علي مين؟؟؟؟؟؟؟؟؟؟؟؟؟




سمعت ان فيه ناس عملوة اغنيه لاضراب 4 مايو مستوحاة من جيفارا مات لاحمد فؤاد نجم وغناء الشيخ امام



وسموهامبارك مات طيب الاغنيه الهدف منهاايه حد يفهمني


طبعا كلنا مضايقين من اللي بيحصل لينا بس اغنيه هزليه ليس لها اي معني هتعمل ايه



اول حاجه ازاي اتمني الموت لحد اكيد ربنا مقلش كدة


ثانيا: موته هيفيدنابايه الدنيا هتبقي ربيع والمايل يتعدل


اذا كان كدة منسمهوش اضراب نسميه جنازة ونشبع فيها لطم احتمال نفوق


احنا مش بنعمل حاجه غير التحسر علي حالنا


ليه مسئلناش نفسنااحنا ايه وصلنا لكدة؟


اضراب 6 ابريل غير ايه؟ اللي يقولي نجح يقولي حقق ايه


ان الله لا يغير ما بقوم حتي يفيروة ما بانفسهم



ياريت نهتم بعملنا ونحسن معاملتنا لبعض علشان بقينا زي اللي عايشين في غابه


في اغنيه من مسرحيه الزعيم بتعجبني



الشعب اللي مصيرة في ايدة هو الفارس هو الحارس والاحلام مش عاوزة فوارس


الاحلام بالناس تتحقق




ايه اللي بيحصل في المدونات اليومين دول تدخل عند حد تلاقي التعليقات غريبه


الشتيمه منتشرة بطريقه غريبه ومن مين نيران صديقه او مجهولين


حاجه تدعو للارف انا اعرف اللي مش عاجبه كلام حد ميروحش عندة اصلا


تحاورت مع حد وكان مش اد حوارك يبقي قاطعه


سؤال الناس اللي بتشتم دي بتستفاد ايه؟


زمان واحنا عيال كنا بنفتكر ان الشتيمه بتلف وترجع لصاحبها ههههههههههه


ما الارض كرويه



كفايه عليكو الشويه دول اروح انام تصبحووووووعلي خير


هناك ٢٤ تعليقًا:

الربان يقول...

تحياتي

اولا بانسبة للبنت تأثرت جدا بما يحدث لها...و ياريت مدير المدرسة يستدعي امها او عمتها....و يشرح لهما بهدوء.

ثانيا: ممكن ادارة المدرسة بطريقة غير مباشرة ان تساعد البنت...مثلا يعملوا
مسابقة من نوع ما...و يمكنوها من الفوز...و تعطي جائزة مالية...

ثالثا...المدرسين و المدرسات ممكن يساهموا بجزء بسيط عن طريق تقديم هدايا رمزية من فترة الي أخري...هل بعد إكرام
اليتيم من تقرب الي الله و رسوله...الم يقل عليه السلام فيما معناه انا و كافل اليتيم هكذا...و اشار بالسبابة
و الابهام..


موضوع البذاءة و الالفاظ السوقية...
اعتقد هذا تطور طبيعي لما تمر به البلد الان من تسيب و انفلات.

موضوع القصيدة....ياريت كلنا نعلم
ان الكلمة أمانه...و أننا لمحاسبون عليها....البعض أغتال الرئيس السادات
و قضي العقوبة و أعلن ندمة لقتله مسلم...ندموا لانهم احسوا بخطائهم و عرضوا دفع الدية....و اثبتت الايام ان السادات كان زعيما سبق عصرة و رؤيته للامور كانت صائبة.

تحياتي و تقديري و دمت بالف خير.

Empress appy يقول...

يا حرام على البنت بجد بس لازم الاخصائيه تراعى الحاجات دى وتفهمها وتفهم البنات التانيه

اغنيه الاضراب مش سسمعتها ومليش انى اسمع حاجات هايفه بجد من ناس هدفها الجعجعه بس
الانونيمس بقى دول معذورين شخصيات مريضه وخلصنا

فى النهايه بقولك آبى اللى هو انا بتسلم عليكى وبتقولك اللهى يا رب تكبرى واشوف زى القمر كده او اى حاجه حلوة كبرى الخط انا نظرى وقع منى فى البى سين عاااااااااااااااااا

أحلام عمرنا يقول...

موضوع جميل وبالنسبه لحكايه البنت هي محيره فعلا بس بيتهيئلي لو استأذنت من أصحاب الحاجه دي مش حيمانعوا وخاصه انها بتقول مش لازماهم
وبالنسبه للي بيحصل عامة ربنا يسترها علينا
مواضيعك جميله يا شريره
اتمنالك االتوفيق في حياتك

بطوط حبوب يقول...

موضوع البنت ده صدقينى لو قلتلك حرااااااااام علينا كلنا

ووجع قلبى بجد

عبده الرايق يقول...

موقف البنت دى فعلا محزن
لكن لازم امها تهتم بيها احسن من كده
وبما انها تستطيع ان تدفع لها مصاريف المدرسه
يبقى بعض اللعب البسيطه مع النصح مع تقرب البنت من امها يبدل من حالتها

غني يابهيه يقول...

البنت ..... حاولوا تساعدوها مع ادارة المدرسه بجد

6 ابريل بقى و 4 مايو
والهبل ده
كله هجص تكسب وناس محدده عايزه توصل لأهداف محدده
وشوية مغرمين بالنت بيساعدوهم ومهما مش فاهمين اى حاجه
وانا ضد الاتنين
وفى الاخر المحله ادغدغت


تحيات بهيه

الساحرة يقول...

الربان


مدير المدرسه جاب للبنت شويه حاجات وبعت استدعاء لوالدتها

وقال للبنت لو احتجتي اي حاجه تعالي

وانا اجبهالك


موضوع البذاءة المفروض ان مجتمع المدونين

فاهم وواعي واكثر تحضر



نيجي للاغنيه دول ناس رايقه وهايفه كدابين زفه

appy

الله يسلمك يا حبيبتي وحاضر هبقي اكبر الخط

مامتي بقي بتسلم عليكي وبتقولك احمدي

ربنا اني بكتب اصلا كمان هكبر الخط هههههههههه


احلام عمرنا


تستاذن ايه دول اطقال يعني لو خدت حاجاتهم الحل عندهم هو البكاء


بطوط حبوب


بعد الشر علي قلبك

كل ما ادخل مدونه الاقيك معلق فيها

مش متعلق ههههههههههه

انت مبتذاكرش الامتحانات قربت اجري ذاكر


عبدة الرايق


بما ان البنت صعبت عليك اوي كدة انا

فتحت باب التبرعات يله اتبرع

وابقي انا اول واحدة اخد منك فلوس
ههههههههه


غني يا بهيه

انا فتحت باب التبرعات هههههههه


ان شاء هنعمل كدة

الاضراب كان طفلا مات في مهدة

تحياتي

(احمد سكر ) يقول...

السلامعليكم

بخصوص البنت

صراحه ردها مش مقنع

ازاى محدش بيصرف عليها

وفى نفس الوقت مدخلينها مدرسة لغااات شهيره
يعنى مصاريفها فى السنه مش هتقل عن 5000 الاف جنيه
وعمتا كل شىء جايز

المدونات بقى فيها الاغرب
من الشتيمه والبذاءات

وانتى دخلتى عندناس منهم

وانا شفت لحضرتك تعليق

بقى فيه دعوه لشذوذ ومثليه وجنس
وافكار هدامه

الاحسن ان الواحد ينقى ناس محترمه ويواضب الدخول عندهم

ولا تعليق على موضوع الاضراب
لان را مش هيقدم ولا ياخر

تحياتى اختى الفاضله

لقلمك المحترم جدا

اخيكى احمد سكر

القط البرى يقول...

السلام عليكم انا مدون جديد انا القط البرى ممكن اتعرف بكى انا عمر 11سنة

لسه بعقلى يقول...

انا مش هشارك فى الاضراب ده
ده استهبال
ما يموت ولا يعيش
يعنى هتفرق كتير ؟
مش فارقة كله محصل بعضه
حاجة تجنن

الساحرة يقول...

سكر


هي البنت ممكن يكون خيالهاواسع شويه

بس برضه نتاكدالاول


بالنسبه للمدونات انا فعلا بختار

الناس المحترمه علي اد ما بقدر

وفعلا الاضراب لا هيقدم ولا هياخر


القط البري


اهلا بيك في عالم التدوين


لسه بعقلي


حاجه تجنن لماانت لسه بعقلك امال احنا

نعمل ايه ههههههههه اهلا بيك

غير معرف يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Massagem, I hope you enjoy. The address is http://massagem-brasil.blogspot.com. A hug.

القط البرى يقول...

يا ايتها الساحرة مدونتى ترحب بكى فى اى وقت القط البرى ينتظرك لاى تعليق
قولى لى رايك بصراحة فى مدونتى وفى نكتى ومعلوماتى وفقرة اضحك مع القط البرى



انا منتظر منك تعليق

شكراجدا

Tamer Nabil Moussa يقول...

احنا فى زمن العجايب

وزى ما فى الوحش فى الحلو.

بس اليومين دول الوحش زياد كنيرر


ربنا يعدلها

تحياتى

Ahmed Al-Sabbagh يقول...

أولا انا بشكر الصدفة الجميلة اللى خلتنى اجى اقرا البوست الرائع ده

تعرفى احلى حاجة فى التدوين ايه ؟؟

انه يبقى طالع من القلب زى البوست ده

هو كذا موضوع فى بعض

موضوع السرقة وده طبعا ما عليهموش تعليق غير الاسف

والتانى موضوع الاغنية الهزلية وانا متفق معاكى اوى فى اللى انتى قولتيه ده

ايه فايدة اننا نغنى ان واحد مات وكمان الفكرة مش فكرة شخص الفكرة فكرة نظام مجتمع خاطئ

وثالثا بقى موضوع الشتيمة اللى منتشر بين المدونين ده موضوع مؤسف بحق

تخيلى مرة وانا فاتح الماسنجر لقيت اتنين مدونين معروفين اوى والمفروض محترمين بيشتمو بعض وبيمررو الشتايم لكل الناس قال يعنى عشان يعرف انه هزءه بضمير رحت عامل بلوك ليهم هما الاتنين

تحياتى ليكى على موضوعاتك الرائعة وسمعت طشاش انك من المعادى يعنى جيران طب كويس كويس

تحياتى ليكى

احمد الصباغ

almasry يقول...

حبيبتى احنا شعب يستاهل اللى هو فيه والسارق دلوقتى خلاص بقى ملك فى وسط العالم ده ... أعتقد ان فرنسا هانم كاتبه على نفس الحكايه


تحيــاتى
المصـــــــرى

بنت النيل يقول...

السلام عليكم ورحمة الله وبركاتة
الساحرة الشريرة
قصة البنت قصة اوجعتنى جدا
لكن العيب فى مين؟؟؟؟؟؟؟؟؟؟
انتى بتحكى عن طفلة فى مدرسة
امال لو شفتى اطفال الشوارع تعملى اية
محتاجين لقمة هدمة اى شىء
لكن هنروح فين من ربنا
الناس تخلف وترمى
حسبى الله ونعمة الوكيل
وعلى فكرة اسلوبك جميل جدا فى مقالك اتمنى لكى المزيد

جهاد خالد يقول...

ايه دا كله

انا كلما اخلص حتة اقول خلاص هعلق اهو
الاقي حتة تانية اقول هعلق اهو الاقي حتة تالتة


اعلق بقى ولا لسه فيه؟؟
:(
...

أولا بالنسبة للبنات
فحاجة تحسر فعلا والمشكلة هنا في الأهالي اللي مش بيعلموا ولادهم ان في ناس اقل مننا ولازم نحترم مشاعرهم ونقدر ان مش معاهم زينا
ثانيا الاسراف لو تلاحظي البنت قالت معاهم زيادة .. والرسول عليه الصلاة والسلام قال
(لا تسرف في الماء ولو كنت على نهر جاري)
او في ما معنى الحديث

...
ثانيا بالنسبة للأغاني والاضراب
الاضراب دا أصلا تحسي إنه تنفيس
نوع من أنواع الانفجار
صحيح ظاهره كان فوضى وأي حاجة في أي حاجة
بس دي مؤشرات خطيرة وكويسة في نفس الوقت إلى حد ما
لأ، كدا خلاص مبقاش حد يخاف
الناس وصلت لمرحلة الانفجار خلاص
المشكلة بقى نلاقي حد يوجه الانفجار دا صح
...
ثالثا بقى واخيرا
التغيير والشتيمة في المدونات

صحيح معاكي حق
ان الله لا يغير مابقوم حتى يغيروا ما بأنفسهم
واللي بيعرض موضوع رغبة في التغيير بجد
لازم يكون محترم في نفسه وغيره يحترموه
لان طريقة الحوار السوقية دي مش طريقة ناس عايزين يغيروا

بس كدا

اسفة للاطالة بس انتي البوست بتاعك دسم
:)

سلام
و
تحايا

حمامة يقول...

كلامك جميل جداً
والبنت اكيد مش غلطانه اوى لانها لسه صغيرة وملقتش حد يعلمها الصح من الفلط يعنى لو كبيرة كنا قولنا ليها عقل وبتميز الامور والصح والغلط
لكن دى لسه طفلة ..
اما بالنسبة لأضراب والكلام ده انا معاكى جداً قلباً وقالباً ورايي من رأيك
وهوايه اللى وصلنا لكده صحيح منكونش سلبيين بس اشمعنا دلوقتى
ماحنا بقالنا سنين كتيييييييير سلبيين
لسه فاكرين دلوقتى
غير كده انا شايفه انه حرام برضه ندعى على حد او نعمل حاجات تثير الامور اكتر ما هيه
كل واحد عليه انه يؤدى عمله قدام ربنا ويعامل الناس بما يرضى الله ويقابل السيئة بالحسنه هو ده دينا اللى اعتقد لو مشينا على من جوانا وبرانا كمان ربنا عيرفع عنا إن شاء الله ...

بجد لكِ تحياتى :)

حنين القلب يقول...

السلام عليكم
اولا بجد موضوعك شيق بالنسبه للبنت لازم حد من اهلها يفهمها ويربيها صح انما موضوع الالفاظ الوحشه دى مش كل الناس كده وبعدين الاصل على التربيه.
وربنا يصلح حال الجميع

كوارث يقول...

جميل قوي البوست ده
بخصوص السرقة فدلوقتي فيه اغراءات جامده فعلاً ..
الجعان مش هيشوف الاكل ويفضل صايم !
بس الفعل نفسه بيبقى هوا هوا .. مهما اختلفت الدوافع

وبالنسة لموت الريس..
انا كاتب قصيدة مخصوص والله بطالبه فيها انه ما يموتش ولا ينتحر على مدونتي كوارث
ده الريس حبيب الكل !

الساحرة يقول...

معذرةلعدم الرد لاني كنت مشغوله جدا

بس فضيت خلاص

الباحث عن الحقيقة يقول...

صعبت عليا اوى البنت اللى في اول البوست
يا ريت حد يقدر يساعدها ويفهمها الخوف احسن تكبر بنفس الافكار
وبعدين دي مدرسة لغات يعنى غاليه يعنى مش ماديا المفروض انها مش محتاجه
طب ايه
الغلط فين
الاب متوفي
يبقى المشكلة في الام
.......
فيه جمله في رباعيات جاهين بتقول : والموت ولو لعدونا منين يسر
لان كلنا هنموت فلا شماته في الموت ولا تمنيه لحد
المفروض نبدأ بنفسنا فعلا
احنا شعب كسول ومليانين اخطاء وخوف وجبن وحتى الناس بطلت تساعد بعض وتحب بعض
اخلاقنا بقت وحشة
واللى بيحصل فينا ده : من اعمالكم سلط عليكم
تحياتي
عندي موضوع في الاستراحة نزله ابن حجر عن الاضراب وكده
شوفتي وكده دي
هههه
تحياتي

Unknown يقول...

البنت عندها حق ماهى شايفة كله بيسرق اشمعنا هى ولا الكحكة فى ايد اليتيم عجبة
أما حكاية الشتائم فدى التطور الطبيعى للحاجة الساقعة
أما موته مش هينفعنا بحاجة زى ما انتى قلتى هييجى غيره وهنركبه زى ما غيره ركب
وأخيرا أحييكى على البوست الجميل ده