=" /> الساحرة الشريرة: انا وهي وعذاب الثانويه

الأربعاء، ١٤ مايو ٢٠٠٨

انا وهي وعذاب الثانويه


باب شقتنا كهربناه طبعا عاوزين تعرفوة ليه


بعينكووووووووو.............. خلاص هقولكوة عارفه الفضول بيعمل ايه



علشان محدش يدخل ولا يخرج من البيت


عندنا حظر تجول وقوات الامن بالرشاشات والمدافع


علي باب غرفه بنتي



عندناااااااااااااااا ثانويه عامه في البيت هتجننننننننننننن



بجد حرام علي جهابزة التعليم(ايه الكلام الكبير دة) ههههههههه


توتر وقلق البنت هتطلع من السنه دي عاوزة تتعالج نفسيا


والسبب اسلوب التعليم اللي بيجهض المواهب وبيخليهم


مجرد ميموري لتخزين معلومات مش هتفيدهم اصلا


يبقي ليه بيدرسوها!


قالوة الثانويه علي مرحلتين قولنا ماشي


واتحملنا غول الدروس الخصوصيه علشان المدارس


بقت مكان لنقل الاغاني من بعض بالبلوتوث او اللعب مع المدرسين


والتهريج او النوم ايوة النوم



المصيبه بقي انه كل دة هيتلغي بقرار جمهوري تخيلوووووووووة


الرئيس هو اللي بيحل مشاكل التعليم طيب حضرات الاساتذة وواضعي نظام التعليم


وظفيتهم ايه يبقي بلاها سوسو


نوفر مرتبتهم لحد تاني


المهم:انا متوترة جدا وخايفه قلقي دة يوصل لبنتي


صحيح بقولها اعملي اللي عليكي وربنا مبيضيعش تعب حد


بس احنا بنسمع مهازل في التصحيح وناس كتير حقها بيضيع


بدا العد التنازلي والامتحانات خلاص




يارب مضيعش تعب حد ادعولهااااااااااااااااااااااااااا

هناك ٥١ تعليقًا:

AHMED SAMIR يقول...

بالتوفيق ان شاء الله
بس عايز اقول لحضرتك ان التقيل جاي ورا
واكيد انتي عارفة ان الثانوية هي اسهل ما في الليلة
وبعدين يعني هم اللي جابوا 100% عملوا بيها ايه؟
والله كله محصل بعضه وكله اول عن اخر نصيب وفقط
تحياتي

Empress appy يقول...

ربنا معاها والله بنت خالتى كنا بنجبها من فوق البوتاجاز فى المطبخ وانا وبلاش فضايح كنت بذاكر طول اليوم تقريبا فى البانيو هههههههههه
ربنا معاها يا رب هى وكل الناس اللى عندهم امتحان

(احمد سكر ) يقول...

ربنا معاها يارب

ويكلل مجهودها بالخير يارب

والله حاجه بقت تقرف

انا فعلا قريت الخبر

اللى بيقولو فيه

انهم هيرجعو النظام القديم تانى

عماللين يجربو فى اولادنا

يلا ربنا يسترها

تحيااتى

احمد سكر

الساحرة يقول...

a.samir

والله عارفه ان التقيل ورا

بس علي الاقل متدخلش جامعه خاصه

اللي التعليم باظ من ساعه ما افتتحوهم




appy

وانا اللي كنت فاكرة انها لوحدها

طلعتي انتي كمان ههههههههه انا افتكرتها

طمعانه في الحمام

هي المذاكرة فيه حلوةمجربتهاش هههههه



سكر


لا التجارب مع اخوها جربوة فيه سنه سته

واي نظام بيجربوة بيمشي عليه

بيعاملوهم زي فئران التجارب

ربنا يرحمنا

Miss. Sosa يقول...

اللهم افتح لها ولجميع الطلبة بفهم النبيين وحفظ المكلائكة المقربين واستودع ما حفظته عندك
الثانوية العامية هم واللي بعدها اهم بس اهم من المهم بقي اللي جاي ... تخيلي الناس هتبقي تحت رحمة ورجلين المدرسين 3 سنين يا رب تكون ف العون ... والعيال تجيب جون

القط البرى يقول...

يا ساحرة انا صديقق محمود

دى اول مرة اعلق فى هذه المدونة دى وان شاء الله مش هتكون اخر مرة اعلق فيها

ارجو لكى التوفيق

محمود

سلااااااااااام يا ساحرة

Tamer Nabil Moussa يقول...

ربنا يكرمهاو يوفقها

وان شاء الله تجيب اعلى الدرجات


ربنا معاها يارب


تحياتى

smraa alnil يقول...

ربنا معاها يارب ويسهلها الصعب
وربنا يديكي انتي الصحة وطول البال
:)

ابن حـجـر الـعـسـقـلانـى يقول...

طب أنا هاقول لك على حاجة

أنا كنت التالت على المدرسة الثانوى و كنت الأول على علمى رياضة .. و كنت باذاكر مذاكرة كثيفة و كنت حافظ الكتب حفظ

بس لما دخلت الكلية حسيت قد إيه الثانوية العامة دى باللونة كبيرة .. بيقعدوا ينفخونا فيها لغاية ما نحس إننا فتحنا عكا .. و لما اتعرضنا فى الكلية لمسائل و مشاكل علمية حقيقية حسينا بمقدار فشل منظومة التعليم الأساسى و الثانوى (و العالى فيما بعد) و حسيت قد إيه مؤهلاتى العلمية ضعيفة

بس الحاجة الوحيدة اللى استفدتها هى إن من جد وجد .. و إن الله لا يضيع أجر من أحسن عملا .. و على قدر المجهود اللى الواحد بذله .. لقيت عائد مرضى و الحمد لله

بجد الله يكون فى عونك و عون بنتك و يقدرها على اجتياز الامتحانات بكفاءة

ابن حـجـر الـعـسـقـلانـى يقول...

معلش هاعلق خارج الموضوع

مدونة فرنسا فيها بوست غريب و غير مفهوم

الساحرة يقول...

miss sosa

عندك حق يارب الجون يجي



القط البري


طبعا اصدقاءيامحمود اهلا بيك نورت

الساحرة يقول...

تامرنبيل


يسمع منك ربنا




سمراء النيل



حمدالله علي السلامه كنتي فين يا بنتي

وحشتنابوستاتك وخفت دمك سعيدة برجوعك

الساحرة يقول...

ابن حجر


عندك حق التعليم الاساسي والثانوي

في مصروالجامعي كمان ملوش علاقه بالحياة

العمليه بعد كدةوعلشان تبتدي صح

تبدا مرحله الكورسات علشان تفهم شويه

بس هنعمل ايه لازم نشرب من نيلها هههه





انا دخلت مدونه فرنسا ومش عارفه في ايه

يارب يكون خير لانها شخصيه تستحق الاحترام صحيح انا مبعلقش عندها بس متابعها واتمني يكون خير

شفـقــة و إحســــان يقول...

امسكى اعصابك وربنا معاها ان شاء الله هى والجميع

عبده الرايق يقول...

ربنا معاها ومع كل اللى زيها
الثانويه العامه طول عمرها غول
وطول عمرنا بعمل لها الف حساب
لكن الجديد هو موضوع النوم فى المدرسه
كده بووووووووووووووووووووظه

Unknown يقول...

ربنا يوفقها ولو انه ملوش فايدة ولا لازمة ادينا اتعلمنا اتعلمنا وايه وعملنا بالتعليم ايه؟ زى ما يكون التعليم بقى وضع اجتماعى مطلوب ولا بد منه فقط لا غير
يا رب تنجح وتدخل الكلية اللى هى عايزاها وتخرج برضة منها بسلام ومتكرهش نفس الكلية اللى هى حبتها من النظام التعليفى الفاشل
تحياتى ومستنى زيارتك

الباحث عن الحقيقة يقول...

ههههههههههه
والله ماتخيلتش ان يكون عندك بنت في ثانوي
ههههههههههه
اييييه الايام بتجري
ربنا يوفقها ان شاء الله
معلش الثانوية ابتلاء على كل اب وام لازم يشوفوه
ان شاء الله خير
وفري للبنت جو راحه
لان القلق والتور هيخليها تخاف
وان خافت مش هتركز
ومعلوماتها هتطير
لانها لما هتشوفك قلقانه هتقعد هي كمان تتحجج معلش يا ماما اصل المادة دي صعبه اوى وادينى بحاول اهو
ان شاء الله خير وهي اكيد عارفه مصلحتها
بلاش دور الساحارة الشريرة ده
هههههههههه
ولا كبرتي وبقيتى ام لبنت في ثانوي
هههههههه
معلش اصل كنت فاكر حضرتك اصغر يعنى يا دوب بنتك دي اربع سنين بالكتير
يلا معلش الايام بتجري

رئيس جمهوريه نفسى يقول...

وما الثانويه العامة الا كاس يدور على الجميع ولا بد من تذوقه
فاكر مره من كام سنه وزيره التعليم فى بريطانيا استقالت اه والله علشان مقدرتش تضيف ما يفيد سير العمليه التعليميه انا من يوم ما كنت فى ثانونى بما انى اخر النظام القديم يعنى ابو نص درجه تعيد وكنا ادبى وعلمى بس وبنمتحن مره واحده بس بعديها شفت حركة ثلاث اربع انظمه للثانويه العامه ولعلمى بعبقريه التعليم وما يضيفه من خبرات لكره القدم فا ان شاء الله لو ربنا اراد ان يهب لى ذريه من الذكور فحيكون واحد لاعب كورة والتانى مطرب بلا تعليم بلا خوته

رئيس جمهوريه نفسى يقول...

نسيت حجاه مهمه ربنا يوفقها يارب ويوقف معاها ويسدد خطاها قادر يا كريم

الساحرة يقول...

شفقه واحسان

والله ماسكه اعصابي علي الاخر


عبدة الرايق


في حاجات بتحصل في المدارس متتخيلهاش

النوم ابسطها ههههههههه

الساحرة يقول...

ايمن بدر

كلنا كرهنا الكليات اللي دخلناها

اشمعنه هي ربنا معاها


الباحث عن الحقيقه


انت هتطلع اشاعه اني كبيرة

دة انا اصغر منك هههههههههه

مش كبيرة اوي يعني لسه بلعب في الثلاثينات

ومش بعمل عليها شريرة دي حبيبتي

وبطل بدل ما اطلع الشر عليك انت وابن حجر

واجي اكسرلك الاستراحه ههههههههه

الساحرة يقول...

رئيس جمهوريه نفسي


ولو طلعوة بنات هتعمل ايه


اوعي تقول هتشغلهم.......... ههههههههههههه

اهو كاس وداير والكل هيشربه

زيزو الشقى يقول...

انا مدون جديد

دى اول زيارة ليا


مدونتك حلوة اوى ودمها شربات

عز الدين


سلااااااااام

رئيس جمهوريه نفسى يقول...

بتمنى من ربنا انى يكون فى خلفتى بنات حتى بيقولوا رزقهم واسع لا طبعا اعوذ بالله

الساحرة يقول...

زيزوالشقي


اهلا بيك واشكرك علي ذوقك



رئيس جمهوريه نفسي


البنات احلي حاجه في الدنيا

وعموماربنا يديك اللي تتمناة

HANY YASSIN يقول...

السلام عليكم
نعلم ونقر جميعاً ان نظام تعليم مصر فاشل و لا اعلم كيفية التغيير لكن اعتقد ان تعليم الطلاب شئ ذو قيمة هو الطريق الوحيد بدل تقليد برا وخلاص مع ان برا بيحترموا الطلاب

تحياتى
اتشرف بزيارتكم مدونتى

hanyyassinblog.blogspot.com

دعاء مواجهات يقول...

ربنا يارب ينجحها بمجموع عاااااااالى

ويطمنك عليها

ان الله لايضيع اجر من احسن عملاً


طمنيها ومتقلقيش

خدى الحكاية

عاااااااادى عااااااااااادى

مستنية زيارتك ياقمر

اميره الصعيد يقول...

ربنا يوفقها يا رب
بس احنا اللي عملنا الثانويه العامه غول خليكي ريلااااااااكس واهي سنه وتعدي ادينا اتخرجنا من الكليات وقاعدين في البيت ندون ونربي العيال
يارب نصيبها يبقي خير وتوصل للي هي بتتمناه

عايش... ولكن !!!! يقول...

هههههههههههه
ثانويه
ياريتنى كنت فضلت فى ثانوى
وعلى رأى اللى قال
زمان وانا صغير
كنت بحلم اجيب تقدير
تعب القلب واتحير
من الرسم ومن التهشير
القلب كان غريب
مليان بالخطوط
والعقل كان غريب
عمره ماكان مظبوط
ولما كبرت قولت ياريت
ماكنت دخلت هندسه ولا جيت
قولت ياريتنى فضلت فى ثانوى
زى زمان

دى اغنيتى المفضله
تحياتى
علاء

الربان يقول...

تحياتي

ربنا ييسر لها...و يذكرها ما نسيت...
و يعينها و يقويها...و يلهمها الصواب.

حذارا من ان يظهر توترك لابنتك...حتي
لا تتأثر و تتعب اكثر ما هي تعبه...

ان شاء الله ستمر علي خير و احسن مما
كنتم تتمنوا...

ربنا معاها و معاكم...و مع الجميع.

تحياتي و تقديري

زيزو الشقى يقول...

كتبت احد موضوعاتى وسوف ترى افكارى

تحياتى

عز

سلاااااااام

man in black يقول...

لما انتي هاتتجنني أمال البنية يا عيني تعمل إيه اثبتي كدا واركزي عشان هي كمان تثبت ربنا معاها و معاكي و ينصركم على الساحرة الشريرة ( قصدي الثانوية العامة )

الباحث عن الحقيقة يقول...

انتي فين
مش عندك مسألة في المواريث
تعالي نشوف جني حلها ازاي
انا اول مره اشوف الحل ده
تعالي احسبيها وشوفي قسمته صح ولا ايه

غير معرف يقول...

معلش معلش مرحلة وهتعدى وكلها كام يوم وتفوقوا بقى

ربنا معاكى

جنّي يقول...

السلام عليكم
شبيك لبيك
جني حضر
ماشاء الله مدونة جميلة ربنا يبارك فيكي ويكتب التوفيق لابنتك ..

التعليم وآه من التعليم الوظيفة التي احببتها قبل أن أمارسها .. لقد افسدوها مثلما افسدوا أشياء كثيرة في بلادي الحبيبة ..

مجاميع الثانوية العامة تدل على اننا أكثر دول العالم قاطبة ( يعني ايه مش عارف ) والتي بها أكبر عدد من العباقرة بدليل المجاميع المرتفعة بجنون .. ولكنها للأسف ليست الحقيقة بدليل أن جامعاتنا في ذيل الترتيب الدولي لجامعات العالم ..

المهم اسمعي كلام الباحث وشوفي أنا حليت المسألة صح ولا لأ ?
شكرا وتحياتي
وآمل التواصل
said

Soooo يقول...

عايز احكيلك على موقف
كنت شغال في شركة وحصلت مشكلة بيني وبين مدير الانتاج .. وانا كنت صح وبشهادة كل المهندسين معانا .. المهم لقيت مدير الانتاج ده بيقول لبتوع الشئون القانونيه صفوه وادوله باقي مرتبه
انا بقى سمعت الكلمه دي ورحت محموق ونازل فيه تهزيء .. انت مابتفهمش اصلا واللي عينك مدير انتاج ظلمك وظلمنا وانت وانت وانت .. ورحت سايب الليله ومشيت
بعدها بمافيش ساعه لقيت السكرتيره بتاعة صاحب الشركه وهي بنت زميلتنا وكنا بنخرج كلنا اللي شغالين نقعد مع بعض .. يعني واخدين على بعض .. لقيتها بتقولي انت ايه اللي خلاك تسمع كلامه الاهبل ده .. تعالى لصاحب الشركه وقوللو حصل كزا كزا .. احنا في شكره ملكية فرد .. يعني الفرد ده هو اللي يتخذ قرارات الشركه

افتكرت الموقف ده لما انتي بتقولي ان الثانويه هتتلغي بقرار جمهوري وان الوزاره ولا ليها لازمه .. وهي دي الحقيقه .. احنا كلنا في عزبة .. وصاحب العزبه هو الامر الناهي
المشكله ان صاحب العزبه مبعزق فلوسه عالمراجيح وناسي الفلاحين الغلابه اللي شقيانين وطالع عينهم


ربنا يوفق بنتك وتنجح وتجيب اعلى مجموع وتدخل الكليه اللي على مزاجها يارب
ومعلش .. استحملي جنبها الفتره دي وبعد كده خلاص
ربنا يكون في عونك ويقويكي يارب

معلش طولت عليكي


سلامووووووووز

Tamer Nabil Moussa يقول...

فينك ياساحرة

مش باينة

خلينا نشوقك

تحياتى

الـسـيـدة نـون يقول...

نعمممممممممممم
بنتك ثانوية عامية
طب ازاااااااى؟
انتى يا ساحرة عايزة تقنعينى ان عندك بنت فى ثانوية عامية؟

وانا الى فاكراكى صغنونة وكنت ناوية ادورلك على عريس

اتاريك عندك عيال ومش بس كدة
لا وكمان فى ثانوية عامية

بس انتى برضه شكلك صغنن
انتى اتجوزتى وانت فى الاعدادية ولا ايه؟

ربنا يوفقك بنتك هى واللى زيها
وطمنينا عليها اول بأول

تحياتى
اختك خيخة

الساحرة يقول...

اولا اعتذر للجميع لاني اتاخرت في الرد


لاني مشغوله جدا امتحانات بقي

الساحرة يقول...

هاني ياسين


هولو مكنش التعليم فاشل

كنا وصلنا لكدة



دعاء ومواجهات



ربنايكرمهاهي وكل اولادنا




اميرة الصعيد



عندك حق في الاخر كلنا للمطبخ

الساحرة يقول...

عايش ولكن


حلوة اغنيه هشام عباس المعدله دي




الربان


توتري نابع من اشفاقي عليها

بجد اولادنا اتظلموة وعاملينهم حقل تجارب


زيزوالشقي


ان شاء هتابعك بس سامحني مشغوله شويه

الساحرة يقول...

man in black..

الثانويه دي غوله مش ساحرة شريرة




bos bos



يارب يسمع منك ربنا



جني



اهلا بيك نورت المدونه


المشكله انه مع ارتفاع المجاميع

كمان دخولي كليات القمه بقي صعب

والله الحكايه مش كليات القمه المهم


تكون حاجه بتحبها

الساحرة يقول...

Soooo

اولا انت تطول براحتك

اما بخصوص صاحب العزبه

فهو في غيبوبه عمرة ما سمع عن الفلاحين



تامر نبيل



متشكرة علي سؤالك

انا بخير بس اولادي بيمتحنوة

وبالمناسبه نصيحه لكل ست لما تخلفي

ظبطي ميبقوش الاتنين في شهادات احسن

هتجنني


ازاي معرفش ههههههههه

الساحرة يقول...

بت خيخه واي كلام


بنتي ثانويه اي نعم

بس مش كبيرةطلعي اشاعات بقي انتي

والباحث عن الحقيقه هههههههه


انا 36 سنه

اما بخصوص العريس خليه لبنتي انا وهي

واحد


نورتي من زماااااان مجتيش عندنا انا

متبعاكي بس مشغوله بكرة لما شريف يكبر

هتعرفي ربنا يخلهولك وتفرحي بيه

funckydoctor يقول...

ربنا معاها بس عايزة تدخليها ايه
البلد ده السهادات فيها ماعادش ليها لازمة
أنا بذاكر من 17 سنة لكن وبعدين ولا حاجة
هبقى دكتور على نفسى
المهم متقلقيش
واعرفى ما أثابك لم يكن ليخطئك وما أخطئك لم يكن ليصيبك
تحياتى

Ehab يقول...

ربنا يوفقها وينجها
وتبقى احسن حد في الدنيا

مبروك من دلوقتي على نجاها انشاء الله

سلااااااااااااااااااااام
غايبه ليه بقالك كتير نوريني

رئيس جمهوريه نفسى يقول...

هو مين الى بيمتحن انتى ولا هى شكلك بتذكرى معاها ربنا يوفقها يارب

عروسة ننوسة يقول...

ربنا معاها يارب ومع كل اللى زيها وبالنجاح

ابن حـجـر الـعـسـقـلانـى يقول...

فينك يا ساحرة ... فين المواضيع الجديدة

نرجو تكونى بخير

يا مراكبي يقول...

التعليم في مصر .. حدوتة كبيرة جدا .. الغرض منها هو إشغال الطلبة والأهالي في دوامات زيها زي مشاكل الحياة الضاغطة على الناس واللي مش مخلية حد يرفع رأسة لفوق

الخلاصة .. اللي إنتي فيه مع بنتك ده ما هو إلا نقطة في بحر الضغوط اللي حكوماتنا عاملاها للشعب

وياريت حد بيتعلم حاجة بجد في الآخر

آفاق الحرية يقول...

ربنا يوفقها يارب
وحضرتك متقلقيش كلنا عدت علينا المرحلةده وان شاء الله خير