عندي شنطهفيها اوراق وصور مسمياها شنطه الطفوله
اغلبها وانا في ثالثه اعدادي السنه دي كانت
بدايه تغيرنظرتي للحياة احساسي اني كبرت
يمكن احساس مبكر بس اهو اللي حصل
اعترضوا بقي طلعت الشنطه وقعدت
جنب الدولاب ما هي الشنطه في الدولاب
لقيت ورقه كراسه مكتوب فيها اغنيه لعبد الحليم
نور عيني روح قلبي حبيبي جياتي
-----------------------------------
الكلمات دي كانت مهداة من زميل لي في درس الرياضيات
علشان يلقت نظري انه بيحبني طبعا فرحت اوي لانها
اول مرة حد يعمل دة بس عملت نفسي مضايقه
زي كل البنات
كان اسمه احمد وفضل يحب فيه سنتين
ويجبلي كتب اغاني وشرائط كاسيت كلها اغاني حب
وقررت في ذات نفسي اني لما اتجوز لازم اسمي ابني احمد
وطبعا دة محصلش لاني وانا حامل حلمت اني سميته محمد
-------------------------------------------
ورقه تانيه مكتوب عليها اسم ندي ودي كانت مدرسه الانجليزي
كنت بحبها جدا وبكتبلها جوابات متهيقلي محبتش حد زيها
وعلشان دة قررت اسمي بنتي علي اسمها وقد كان
----------------------------------------------------
صورة لي مع صديقه عمري او هكذا كنت اظن
------------------------------------------------------
اوراق صفراء تاثرت بفعل الزمن كما تاثرنا نحن
كلمات من اغنيات
---------------------------------------
مرايه مكسورة لااعرف سبب وجودها بالتحديد
قصاصات اوراق كثيرة ازلت التراب عنها ووضعتها
في قلبي اقصد الدولاب واغلقته
هناك ٣٥ تعليقًا:
This is a nice blog. I like it!
دايما البنات بيحتفظوا بالحاجات دى
بس احمد دلوقتى فين ؟؟
ههههههههههههه
اوعى يكون نسى كل الحكايه واتجوز
slamo 3lekom
أكيد طبعا أحمد اتجوز بس أكيد برضة طلع صندوق ذكرياته ونفض التراب عن الصور والجوابات والقصايد وعن اسمك وقال:
ياه ده أنا كنت عبيط بشكل
تحياتى
تخونوه وعمره ما خانكم ولا اشتكى منكم
تيري را را
تبعوه وعمره ما باعكم ولا انشغل عنكم
ده احمد بس كان بيسلم عليكي وباعتلك الاغنية اللي فاتت دي
الاميرة جولييت
هل تسمحي لي يا سيدتي ان اتسلق
لا مش الشرفة
اتسلق الدولاب
كي استخرج شهادات تفوقك في دراستك
اشعر يا برنسيس جولييت انك كنتى متفوقه
جداااااا
في الاستماع الى الاغاني
ليكي واجب في الاستراحة يا جولييت تعالي خديه
اكيد بتبقي سعيدة جدا وانت بترجعي بالذكريات ده العمر ده كله
وساعتها بنقول ياااااااااه
فينها الايام ده
السلام عليكم ورحمة الله وبركاته
من فريق حبا فى رسول الله نأسف لعدم الاستئذان ولكن وجب التنوين فبعد اذن صاحب المدونة نرجو التوجه لمدونة la3lahakhier_2 للمشاركة فى التطبيقات العلمية للحملة
جزاكم الله عن نبيكم كل الخير
مع دعائنا وشكرنا لصاحب المدونة
فريق حبا فى رسول الله
تحيتي
ممكن تقبلي دعوتي لمدونتي
يارب تعجبك هي صحيح متواضعة في نظري بس في ناس بتقولي حلوة جدا يارب تزوريها وتقولي رأيك
تحستس ومستنيكي ع المدونة هنا
http://kanyatklam.blogspot.com/
احمد .......ز طيب مش مهم
ههههههههههههه ذكريات عشنا فيها عارفه الاغنيه دى بتاعت عمرو دياب ابقى اسمعيها
ربنا يخلى ندى وصورتك سكر مقالب خالص وشريرة ههههههههههههه لا بهزر طبعا
عجبني البوست ده اوي ’ يمكن لاني دايما بحن للاشياء والذكريات القديمه ,يمكن بحس ان الايام وقتها كانت اجمل كتير
للاسف معنديش اوراق قديمه كده زيك ,ضاعت , رغم ان بعضها كان فيه قصص اشعار يلا
بس مدونتك ليه سمتيها بالاسم ده , هو سؤال فضولي شويه؟؟؟؟؟
ربنا يباركلك في محمد وندي
تحياتي
محمد
اسم البلوج بتاعك شدني اوي اصله جديد وغريب وما اخبيش عليكي بحب جو الحواديت والقصص والسحرة دا جدا
بس حب ايام الاعدادية والثانوية تحسيه بريء جدا رغم سذاجته بس حب مراهقة ممكن بس مشاعر جميله بتعرف قلوبنا لأول مرة
ان شاء الله ها اجي ازورك تاني
دمتي بكل ود وحب
بطوط حبوب
---------
اكيد نسي واتجوز
يوووة هو في حد النهاردة بيفتكر
دة كان حب مراهقه
ahmeda.aziz
------------
وعليكم السلام ورحمه الله وبركاته
ايمن بدر
--------
يمكن اصلا معندوش ذكريات
وبعدين لو قال علي نفسه
عبيط يبقي عبيط
وانا مالي ههههههههه
الباحث عن الحقيقه
----------------
مش هقولك اللي بيتسلق الدولاب بيكون
ايه هههههههههه
وبتتريق علي شهادتي دة انا 2 دكتوراة
الباحث عن الحقيقه
----------------
ليه الاذيه دي انا مبحبش الواجبات
بس علشان خاطر جوليت انت تئمر
افاق الحريه
-----------
اكيد ببقي مبسوطه لما بفتكر
لانها كانت ايام البراءة
لعله خير
--------
انتي تيجي من غير استاذان انا فاتحه
الباب علي الاخر واهلا وسهلا للجميع
وهاجي اشارك باذن الله
كاتب مصري
-----------
حاضر هروح اشوف
اّبي الجميله
-----------
احمد زي الحج احمدهههههههه
وطبعاعارفه الاغنيه دة حبيبي
عمرو دياب
و
بعدين دة انتي كل انواع السكر ههههههههه
الفارس الملثم
-------------
ذكرياتنا مش لازم تكون في الورق
لانها بتبقي في قلوبنا
وسميت المدونه بالاسم دة
كنت ناويه اشرحه في بوست
لكن مش خسارة فيك
ههههههههه
صديق ليه كان عامل مدونه
وجيت اعلق عندةلقيت لازم يكون ليه
اكونت فعملته تهريج لاول اسم جيه علي
بالي
يعني مكنش في دماغي اكتب حاجه
الصديق دة كتب موضوع واحد وقفل المدونه
وانا اللي بقيت بكتب هههههههههههه
قلب ينبض لله
-----------
اهلا بيكي يسعدني تشريفك المدونه
ما اجمل الذكريات
تحياتى
السلام عليكم
عارفا اجمل شىء ايه
انك محتفظه بعبق من ذكرياتك
بحاجه تشدك وياخدك الحنين ليها
زمان قبل مااتجوز
كان عندى اجندات
كاتب فيها كل شىء مر بيا ف حياتى
الحب
الفراق
الخطوبه
الفراق بردو
الالم
الفرح
كتير كنت بقعد معاهم وابكى
مممممممممممم
بعد الجواز بسنه تقريبا
اختفو الاجندات دوول
ولدلوقتى انا حزين عليهم
تحياتى اختى الفاضله
احمد
يها المواطنون نذيع عليكم بعد قليل خبرا هاما
مارشات عسكريه مارشات عسكريه مارشات عسكريه
كمان مارشات عسكريه
كفايه كده
ايها المواطنون جاءنا البيان الهام التالى
اذاعت كافة وكالات الأنباء الفضائيه والأرضيه وما تحت الأرض ايضا ان السيد عبده الرايق مرشح للفوز بجائزه تقدر بربع مليون يورو ....متتخدوش اوى كده لأن من شروط الجائزه ان يجيب على سؤال بمدونتنا التى تحوى هى وموقعنا كافة التفاصيل والكل مدعو للأشتراك والفوز باحدى جوائزنا الثيمه
ونرجوا ان تستمعوا الى حلقة برنامجنا الأذاعى الذى به ايضا معلومات مثيره فى هذا الموضوع يوم الأحد 29-6 حيث نكشف كافة الأسرار وراء هذا الموضوع والبرنامج يذاع التاسعه وعشر دقائق صباحا على اذاعة مصر الرئيسيه كما يمكن الأستماع اليه من داخل موقعنا على النت اسرة برنامج انت تسال والكمبيوتر يجيب
والعنواين
المدونه ثم الموقع كالتالى
http://netonradio.blogspot.com
7:52
جميله قوى الذكريات
مع خالص تحياتى
الله ما اجمل هذه الذكريات من جمالها ومن عذابها وشوقها وفرحتها وحزنها بجد ما اجملها ذكريات اتمنا لو يرجع الزمن يوم الى الوراء لكانت الامور اختلفت بوست رائع بجد
والله يا بختك بشنطتتك دي تصدقي نفسي ألاقي ذكرياتي زي كدة بس للأسف انا مهمل جدا وبعييد عنك نساي جدا اعتقد عندي زهايمر
يعني الذاكرة ممسوحة أعبال أملتك
أما اروح بقي
على فكرة هو انا كنت جي ليه؟!!!!!
وهو الانسان ايه غير صندوق صغير للذكريات بيحوى كل ما مر بيه او قابلهم فى حياته
ياااااااااه
فكرتيني بلشنطه اللي عندي برضه محتفظه بيها لحد دلوقتي
دي فيها بلاوي هههههههههه
ممكن تووصل لي طلاقي كمان
يا قلبك يا ساحرة شيلاها في بيتك
جميل اووي اننا نفتكر ذكرياتنا بحلوها ومرها ونتعلم منها
لكي تحياتي
طب بس كفاية تدوير لحسن تلاقى ورق اكتر من كده وتضطرى تجيبى اولاد على ادهم وتسميهم باساميهم
مدونتك جميلة
تحياتى
طب والله خفت وقلت يالهوي .. احسن تكون لقت تعاويذ سحريه قديمه ولا حاجه وهتسخط كل اللي يقرو الموضوع ده لضفادع بشريه
لكن الحمدلله طلعت حاجات قبل ماتخشي في سلك السحر بتوسع
عارفه .. انا باستغرب بجد من البنات او الجنس الآخر .. باعتباري اني ولد ومن جنس الرجال يعني
باستغرب بجد لاني باشوفهم بيحتفظو بحاجات يالهووووي
اهو انتي مثلا محتفظه بحاجات من ايام اعدادي
مع اني مش محتفظ بحاجه من امبارح
لا تصدقي محتفظ
محتفظ بسيجاره
هاروح اشربها
سلامووووووووووز
كل انسان عنده صندوق الذكريات هذا
وكل فتره يفتح الصندوق ويرجع بالزمن
الى اشخاص او اماكن او احداث كانت
ولكنها تجعلنا نتوقف قليلا لنستريح
ثم نستكمل الطريق
تحياتى
ما احلي الذكريات و الاحتفاظ بها
قوليلى بنتك عملت ايه فى الامتحانات طمنينى
appy
ليست اورااقك وحدك و لكنها ككل اوراقنا
تحياتي للمقال الرقيق
ولك مني كل الود
كل منا يملك قصاصاتة التى ترجعة سنين كثيرة للوراء ليتذكر ما كان عليه
بوست حلو سلمت ايديكى
اسفه لعدم ردي علي التعليقات
كنت امر بظروف الحمدلله عددت
إرسال تعليق