هما مين و إ حنا مين .. ؟
هما الأمرا و السلاطين ..
هما المال و الحكم معاهم ..
و إحنا الفقرا المحرومين
حزر فزر شغّـل مخك
شوف مين فينا بيحكم مين ؟!!
..............
إحنا مين و هما مين ..
إحنا الفعلا البنايين
إحنا السنة و إحنا الفرض
إحنا الناس بالطول و العرض
من عافيتنا تقوم الارض ..
و عرقنا يخضر بساتين
حزر فزر شغل مخك
شوف مين فينا بيخدم مين ..؟؟!!
................
هما مين و إحنا مين ؟؟
هما الامرا و السلاطين
هما الفيلا و العربية
و النساوين المتنقية
حيوانات استهلاكية
شغلتهم حشو المصارين
حزر فزر شغل مخك
شوف مين فينا بياكل مين ..؟؟!!!
....................إحنا مين و هما مين
إحنا قرنفل على ياسمين
إحنا الحرب : حطبها و نارها
و إحنا الجيش اللي يحررها
و إحنا الشهدا بكل مدارها
منكسرين أو منتصرين
حزر فزر شغل مخك
شوف مين فينا بيقتل مين ..؟؟!!!
................كلمات لاحمد فؤاد نجم وغناء الشيخ امام
الاشتراك في:
تعليقات الرسالة (Atom)
هناك ٧ تعليقات:
اتمني تكون الغلبة في الاخرلينا
تحياتي
عمرو: ليس كل ما يتمناة المرء يدركه مجرد احلام بنحلمها
مبروك المدونة الجديدة .. إن شاء الله تكون مدونة واعدة .. أهلا بيكي في عالم التدوين
يا مراكبي: شكرا لكلامتك سعدت بتشريفك مدونتي المتواضعه
تحياتي
متاع الحياة الدنيا قليل...هو متاع الغرور...
لا نريد سيارت فارهة و لا سيدات متنقية
نريدهم بشر مثلنا يشعروا بما نشعر و يحيوا كما نحيي...
و لابد من طلوع الفجر مهما طال الليل..
و الايام دول....بمعني انه لا شيء يستقر او يستمر علي حال....فهم سيصبحون يوما ما نحن... و نحن قد نصبح هم يوما ما....نتبادل الادوار....دوام الحال من المحال...
تحياتي و أشكرك انك وضعت القصيدة في البوست لانها جميلة...
دمتي بألف خير
الربان: تفتكر ممكن يحسوة بينا وبعدين مين اللي سكنهم القصور وركبهم العربيات مش الناس المطحونه ناس تتعب وناس تاخد علي الجاهز نحن نطالب بالعدل ومعاملتنا كباقي البشر اعتقد ان هذا ليس بالكثير
الساحره الشريره
ربنا سبحانه وتعالى خلق الدنيا طبقات ودى حكمته ومش ده اللى مزعلنا اللى مزعلنا عدم وجود العداله والمساواه امام القانون اللى مزعلنا الحريه .عايزين نحس اننا احرار بجد اللى مزعلنا احساسنا بإنهم حاسين انها تكيه نهيبه واللى يغيظ انهم معتبرين ده حق من حقوقهم
إرسال تعليق