=" /> الساحرة الشريرة: تعريفات سياسيه جدا

الثلاثاء، 5 فبراير 2008

تعريفات سياسيه جدا

الدستور:هو الشئ الوحيد اللى كلما يتعدل..البلد يتعوج اكتر
المواطنه: أن توطن نفسك على انه مفيش فايدة
خطاب الرئيس: كلام يكتبه شخص ليقرأه شخص آخر على أشخاص يعرفون أن شخصا آخر هو الذى كتبه لكنهم يصفقون للشخص الذى يقرءاه
مجلس الشعب: هو الهيئة التى تساعد الحاكم لكى يجلس على الشعب
سيناء: شبه جزيرة حررها المصريون بدمائهم ليمنعوا الإسرائيليين من التجول فيها بالملابس العسكرية ولتسمح لهم اتفاقية كامب ديفيد بالتجول فيها بالمايوهات

التعدديه: حرص نظام الحكمعلى ضمان تعدد الفترات الرئاسية للحاكم بحيث يستمر فى الحكم حتى يعدد الناس عليه
قانون الطوارئ: القانون الذي يسمح للحاكم باعتقال من يشاء كلما طرأ ذلك على باله
العصيان المدنى: خروج المدنيين لإعلان رفضهم لسياسات الحكومة قبل أن يضربهم الأمن المركزى بالعصيان
الصراع الطبقى :صراع الشعب من اجل إزالة الحاكم الذى طبق على نفسه لعشرات السنين
سياسة الاعتدال: قيام الحاكم بالاعتدال على العرش فى نهاية فترته الرئاسية لكى يبدأ فترته الرئاسية الجديدة
الترشيح :الفلتر الذى لابد من استخدامه للتمكن من عصر خيرات البلاد حتى أخر قطرة
إقرار الذمة المالية: يقدم المسئول الحكومى عند بداية شغل منصبة إقرارا يؤكد فيه أن ذمته انتقلت إلى رحمة الله
الكسب غير المشروع: قيام الحاكم بكسب رزقه من نهب أموال المشروعات الحكومية
التضخم :الحالة التى تصيب الشعب بعد ربع قرن من ضربة على قفاه
العدل: عدل المواطن حتى يأخذ على قفاه بشكل مريح لمن يضربه
السواد الأعظم: هو السواد الذى يشوفه الشعب الذى يسكت معظم أبنائه على استبداد وفساد حكامه
تطوير التعليم: العمل على جعل كل طالب مصري طورالله في برسيمه
سياسة التقشف: تجويع الشعب إلى أن يتقشف جلدة
إعادة الهيكلة: توفير كل الضمانات الأمنية والسياسية لعدم ترك الحاكم لعرش السلطة إلا وهو هيكل عظمى
السيدة الفاضلة: السيدة التى تفضل هى وزوجها فى الحكم لأكثر من ربع قرن
حزب الأغلبية: الحزب الذى يذيقك الغلب والذل وتعيش تحت حكمة اغلب فترات حياتك
الانجازات: المشروعات التى تفتتحها الحكومة ويضخمها إعلامها لحد الناس ما تجيب جاز
العالم التالت: العالم الذى يتم فيه توريث الحكم دون أن يجرؤ الشعب على قول تلت التلاتة كام
النظرية النسبية: النظرية التى ابتكرها اينشتاين وطبقها شخص آخر بتشكيل الوزارة من مجموعة من النسايب

التعريفات دي جتلي علي الايميل ومعرفش المصدرعلشان متقولوش حراميه اوعووووووو

هناك 7 تعليقات:

ابن حـجـر الـعـسـقـلانـى يقول...

الله أنا قرأت التعريفات دى فى أماكن كتير .. بس كانت متفرقة مش مجمعة بالشكل دة .. بس بصراحة .. شوية مفاهيم و تعاريف يظبطوا أجدعها بلد و يخلوها فى أول القائمة .. بس من الخلف

الشنكوتي الكبير يقول...

هههههههههههه
ههههههههه
ههههههههه
هههههههه

يخرب عقلك
لا طبعا منتيش حراميه
مش هنقول كده
انتي بس مصيبه
وهتودينا ابو زعبل عند عمك حسين اللي ميعرفش اخوه

حلوه الدونه قوي
بس هو انوا ليه بتشلوني بالبتاع بتاع الوورد فيرفيكشن ده
ما علينا
اتشرفت بزيارتك عندي قوي
سلاااااااااااااااااااااااااام

3ala asm masr يقول...

احيكى واحيى اللى بعتلك الايميل لتوضيح هذا الكم الهائل من التعريفات والمساهمه فى تثقيف الشعب
المدونه جامده جدا


ياريت تشاركونا وتبقوا معانا احنا شباب هيروق مصر http://hnro2masr.blogspot.com/

الساحرة يقول...

ابن حجر:
ما هو احنا اول القائمه
الشنكوتي:
هو خربان اصلا وبعدين ماله ابو زعبل

هنفتري
علي اسم مصر:
شكرا لزوقك

يا مراكبي يقول...

كويس إنك قولتي إنك لطشاهم .. أنا كنت لسة هأستأذنك ألطشهم .. كده يبقى براحتي بقى

الساحرة يقول...

يامراكبي:
الطشهم براحتك تحب الطشلك حاجه تاني

رئيس جمهوريه نفسى يقول...

مصدر تلك المصطلحات صفحه قلمين فى جورنال الدستور الاسبوعى من زمان بس اختيارك حلو قوى ليها